GEOGRAFIYA VA IQTISODIY BILIM ASOSLARINI OQITISH METODIKASI
QR Code:
Downloads
Respublikamizda so'nggi yillarda yoshlarni har tomonlama qo'llab-quvvatlash, ularni o'qitish jarayonida raqamli ta'limni joriy etish, o'qitishning zamonaviy metodlari asosida aniq va rasmiy manbalarga tayanilgan holda ma'lumotlarni talabalarga tezkor yetkazishga katta e'tibor qaratilmoqda. Xususan, mamlakatimizda "o'qitish usullarini takomillashtirish, ta'lim-tarbiya jarayoniga individuallashtirish tamoyillarini bosqichma-bosqich tatbiq etish, talabalarda o'qishga sog'lom, kuchli va ta'sirchan motivatsiyani shakllantirish" ustuvor vazifa sifatida qaralmoqda.
Ayniqsa, hozirgi murakkab axborotlarni, geografik hodisa va sabab oqibatlarini, tabiiy va iqtisodiy geografiya tushunchalarini o'quvchilar ongiga etkazish va shakllantirish nihoyatda murakkab jarayon hisoblanadi. Maktab dasturi o'quvchilarga faqat geografiyaga oid bilim berish bilan cheklanmaydi, balki ularda zarur ko'nikma va malaka hosil qilishni ham o'z zimmasiga oladi.
