O'zbek tilining sohada qo'llanishi
QR-код:
Загрузки
Mazkur o'quv qo'llanmada o'zbek tilining sohalarda qo'llanishi bilan bog'liq ravishda tilning jamiyatda tutgan o'mi, til va tafakkur, til va madaniyat munosabati, Davlat tili haqidagi hujjatlarning mazmun-mohiyati, jamiyatning turli sohalarida o'zbek tili ijtimoiy funksiya(vazifa)larining kengayishi, o'zbek adabiy til me'yorlari, nutq uslublari va ularning xususiyatlari, pedagog-mutaxassisning kommunikativ sifatlari, sohaga oid taqdimot nutqi, sohalarda davlat tilida ish yuritish masalalari, til va nutq, nutq odobi, adabiy til va adabiy norma, grammatik stilistika, nutqning kommunikativ sifatlari, ta'lim-tarbiya jarayonida nutq madaniyati muammolari kabi masalalar haqida fikr yuritiladi. Davlat tili - adabiy tilga oid nazariy ma'lumotlar amaliy mashg'ulotlar bilan mustahkamlanadi, o'zbek tilining sohalarda qo'llanishi bilan bog'liq namunalar keltiriladi. O'quv qo'llanma Toshkent viloyati Chirchiq davlat pedagogika instituti O'quv-uslubiy kengashi tomonidan nashrga tavsiya etilgan bo'lib, pedagogika institutlarining talaba va magistrlari, qolaversa, ta'lim tizimining barcha bo'g'inlarida faoliyat yuritayotgan professor-o'qituvchilar, ilmiy xodimlar, ta'lim muassasalari boshlang'ich tashkilot yetakchilari hamda o'zbek tilining sohalarda qo'llanishi bilan bevosita shug'ullanuvchilar va qiziquvchilar uchun mo'ljallangan. Ularning malakasini oshirish, zamon talablaridan kelib chiqqan holda mashg'ulotlar tashkil etish, yoshlar bilan ishlashdagi pedagogik va psixologik ko'nikmalarni shakllantirishda o'zbek tilining ahamiyatini tushuntirib berish maqsad qilib olingan. Shuningdek, yoshlarning ilmiy salohiyatini oshirish, ularning o'zbek adabiy tilining imkoniyatlaridan unumli foydalanish, til va nutq madaniyatini shakllantirish, amaliy ko'nikmalarini boyitish e'tiborga olingan.
