🎓 Magistrlik dissertatsiyasi himoyalari

ChDPU Gumanitar fanlar fakultetida Ona tili va adabiyoti:rus tili va adabiyoti yo‘nalishi bo‘yicha magistratura bitiruvchilarining dissertatsiya himoyalari bo‘lib o‘tdi.

Magistratura ta’lim bosqichi yakuniy davlat attestatsiyasi magistrlik dissertatsiyalarini himoya qilish asosida amalga oshiriladi. Mazkur jarayon uchun tegishli mutaxassisliklar bo‘yicha Attestatsiya hay’ati shakllantirilib, rasmiy himoyalar tashkil etildi.

Himoya jarayonida magistrantlar o‘z ilmiy tadqiqotlari mazmun-mohiyatini atroflicha yoritib, tadqiqotlarning dolzarbligi, ilmiy yangiligi, amaliy ahamiyati hamda olingan natijalar yuzasidan taqdimotlar o‘tkazdilar. Ishchi guruh a'zolari tomonidan magistrantlarga mavzular doirasida savollar berilib, dissertatsiya ishlarining ilmiy saviyasi, metodologik asoslari va amaliy qiymati xolis baholandi.