“O‘zbekiston – yagona Vatan!” mavzusida respublika ilmiy- amaliy konferensiyasi
“O‘zbekiston – yagona Vatan!” respublika ilmiy-amaliy konferensiyasiga taklif
O‘zbekiston Respublikasi Millatlararo munosabatlar va xorijdagi vatandoshlar masalalari bo‘yicha qo‘mitasi tomonidan 30-iyul – “Xalqlar do‘stligi kuni” munosabati bilan joriy yilning 23–31-iyul kunlari o'tkaziladigan “Do‘stlik” festivali doirasida 2026-yil 30-iyul kuni “O‘zbekiston – yagona Vatan!” mavzusida respublika ilmiy-amaliy konferensiyasi tashkil etiladi.
Mazkur konferensiya O‘zbekistonda istiqomat qilayotgan turli millat vakillari o‘rtasida o‘zaro hamjihatlikni mustahkamlash, yagona fuqaroviy o‘zlikni shakllantirish, umummilliy totuvlikni ta’minlash, millatlararo munosabatlarni rivojlantirish hamda xorijdagi vatandoshlar bilan aloqalarni yanada mustahkamlashga qaratilgan.
Anjuman doirasida quyidagi yo‘nalishlarda ilmiy maqolalar va tezislar qabul qilinadi:
- Millatlararo totuvlik va bag‘rikenglik;
- Yagona fuqaroviy o‘zlikni shakllantirish;
- Umummilliy hamjihatlikni mustahkamlash;
- Millatlararo munosabatlarni rivojlantirish;
- Xorijdagi vatandoshlar bilan hamkorlikni kengaytirish.
Konferensiyada xorijiy ekspert va mutaxassislar, oliy ta’lim muassasalari professor-o‘qituvchilari, ilmiy xodimlar, amaliyotchi mutaxassislar, mustaqil tadqiqotchilar, izlanuvchilar, tayanch doktorantlar hamda talabalar ishtirok etishi rejalashtirilgan.
Sizlarni mazkur respublika ilmiy-amaliy konferensiyasida ilmiy ma'ruzalaringiz, maqolalaringiz hamda tezislaringiz bilan faol ishtirok etishga taklif etamiz.
Konferensiya maqsadi
Konferensiya davomida ilgari suriladigan ilmiy-amaliy takliflar millatlararo totuvlikni mustahkamlash, fuqarolik birdamligini rivojlantirish hamda ilmiy hamkorlikni yanada kengaytirishga xizmat qiladi.
Tashkilotchi:
O‘zbekiston Respublikasi Millatlararo munosabatlar va
xorijdagi vatandoshlar masalalari bo‘yicha qo‘mitasi.
Konferensiya sanasi: 30-iyul 2026-yil
Festival muddati: 23–31-iyul 2026-yil