"Ilm – insonni yuksaklikka olib boradigan yoʻldir." — Alisher Navoiy

Iqtisodiyot va Menejment kafedrasi yangiliklari

O‘ZBEKISTON RESPUBLIKASI DAVLAT BAYROG‘I – MILLIY G‘URURIMIZ VA IFTIXORIMIZ!

O‘ZBEKISTON RESPUBLIKASI DAVLAT BAYROG‘I – MILLIY G‘URURIMIZ VA IFTIXORIMIZ!

Kategoriyalar: 
E'lonlar
Chop etilgan sana:  18 Noyabr 2026 05:00 Ko'rishlar:  49

18-noyabr – O‘zbekiston Respublikasi Davlat bayrog‘i qabul qilingan kun munosabati bilan Chirchiq davlat pedagogika universiteti Turizm fakulteti Iqtisodiyot va menejment kafedrasi tomonidan bayram tadbiri tashkil etildi.

Tadbirning asosiy maqsadi talaba-yoshlar qalbida Vatanga muhabbat, milliy qadriyatlarga hurmat, davlat ramzlariga sadoqat va yurtimiz bilan faxrlanish tuyg‘ularini yanada mustahkamlashdan iborat bo‘ldi.

Tadbir davomida O‘zbekiston Respublikasi Davlat bayrog‘ining yaratilish tarixi, undagi ranglar, yarim oy va yulduzlarning ramziy ma’nosi, shuningdek, bayrog‘imizning xalqaro maydondagi o‘rni va ahamiyati haqida atroflicha ma’lumotlar berildi.

Shuningdek, ishtirokchilar tomonidan Vatan, tinchlik, istiqlol va milliy g‘urur mavzulariga bag‘ishlangan she’rlar, kuy-qo‘shiqlar hamda mazmunli chiqishlar namoyish etildi. Tadbir ko‘tarinki ruhda, samimiy va bayramona kayfiyatda o‘tdi.

Zero, davlat bayrog‘i – bu shunchaki ranglar aks etgan mato emas, balki xalqimizning ozodligi, mustaqilligi, birligi, ezgu orzu-intilishlari va porloq kelajagining yorqin timsolidir.

Bayrog‘imiz – faxrimiz, g‘ururimiz va milliy iftixorimiz!

Tadbirni tashkil etishda faol ishtirok etgan professor-o‘qituvchilar hamda talaba-yoshlarga o‘z minnatdorchiligimizni bildiramiz.

Chirchiq davlat pedagogika universiteti
Turizm fakulteti
Iqtisodiyot va menejment kafedrasi

Teglar: E'lonlar