CHDPUDA XALQARO ILMIY-AMALIY ANJUMAN O‘TKAZILADI!
TURKIY TILLARDA ILMIY-QIYOSIY TADQIQOTLAR VA METODOLOGIYA
AXBOROT XATI
O‘zbekiston Respublikasi Oliy ta’lim, fan va innovatsiyalar vazirining 2026-yil 16-yanvardagi 11-son buyrug‘iga (№ 287) muvofiq xalqaro miqyosda o‘tkaziladigan ilmiy tadbirlar rejasiga asosan Chirchiq davlat pedagogika universiteti Gumanitar fanlar fakulteti O‘zbek tilshunosligi kafedrasi hamda Qozog‘iston Respublikasi Xoja Ahmad Yassaviy nomidagi xalqaro qozoq-turk universiteti hamkorligida
“TURKIY TILLARDA ILMIY-QIYOSIY TADQIQOTLAR VA METODOLOGIYA” mavzusida xalqaro ilmiy-amaliy anjuman o‘tkazilishi rejalashtirilgan
Anjumanning maqsadi va vazifalari
Anjumanning asosiy maqsadi – turkiy tillar oilasiga mansub tillarning o‘zaro qiyosiy tahlili orqali ularning umumiy lingvistik xususiyatlari va milliy-madaniy o‘ziga xosliklarini aniqlash, zamonaviy lingvistika metodologiyalari negizida tadqiqotlar olib borish hamda turkiy tillar nufuzini oshirish yo‘llarini belgilashdan iborat.
Anjumanning asosiy vazifasi –Turkiyshunoslikning nazariy asoslarini rivojlantirish, zamonaviy lingvistika va raqamli texnologiyalar vositasida turkiy tillarning global axborot makonidagi nufuzini oshirishga xizmat qiladigan amaliy mexanizmlarni ishlab chiqish, turkiy xalqlar tiliga oid ilmiy tadqiqot olib borayotgan yetakchi olimlar, filolog mutaxassislar va yosh izlanuvchilarning yangi natijalarini muhokama etish, shuningdek, mahalliy va xalqaro ilmiy markazlar o‘rtasidagi hamkorlikni mustahkamlash, qo‘shma ilmiy loyihalar va raqamli resurslar yaratishdan iborat.
Shu munosabat bilan oliy ta’lim tizimida faoliyat olib borayotgan barcha professor-o‘qituvchilar, doktorantlar, mustaqil izlanuvchilar, shuningdek, magistrant va talabalarni ushbu konferensiyada faol ishtirok etishga taklif etamiz!
Anjuman sho‘balari
Turkiy xalqlar tili va adabiyoti: tadqiq, tahlil va talqin muammolari;
Zamonaviy tilshunoslikning dolzarb masalalari;
Til va adabiyot ta’limi metodologiyasi va integratsion yondashuvlar.
Qiyosiy adabiyotshunoslik, chog‘ishtirma tilshunoslik va tarjimashunoslik.
Anjumanning rasmiy tillari: o‘zbek, ingliz, rus va barcha turkiy tillar.
Maqolani tayyorlashga qo‘yiladigan talablar
Muallif haqida ma’lumotlar
Maqola nomidan 1 interval pastda, o‘ng tomonda muallifning familiyasi, ismi va otasining ismi qoraytirilgan harflar bilan, keyingi qatorlarda muallifning ilmiy darajasi, unvoni, tashkilot nomi va elektron manzili qiya harflar (kursiv)da ko‘rsatilishi maqsadga muvofiq.
Foydalanilgan adabiyotlar va havola
Foydalanilgan adabiyotlar ro‘yxati va havola keltirish tartibi:
iqtibosdan so‘ng to‘rtburchak qavs ichida manbaning adabiyotlar ro‘yxatida keltirilgan tartib raqami va manba sahifasi ko‘rsatiladi.
foydalanilgan adabiyotlar ro‘yxati matn so‘ngida namunada ko‘rsatilgan tartibda beriladi.
Maqola matnida keltirilgan faktlarning to‘g‘riligi va aniqligiga mualliflar javobgar. Ijobiy xulosalangan va nashrga tavsiya qilingan maqola mualliflariga to‘lov rekvizitlari yuboriladi.
Anjuman ishtirokchilari uchun
Google Scholar
Konferensiya materiallari Google Schoolarda indekslanadi.
DOI
Har bir maqola uchun DOI raqami taqdim etiladi.
Internet URL
Ustozlar uchun alohida internet URL manzili taqdim etiladi.
Sertifikat
Anjuman ishtirokchilariga sertifikat taqdim etiladi.
Ishtirok etish shakli va shartlari
Anjumanda ishtirok etish shakli: Anjuman an’anaviy shaklda hamda ZOOM platformasi orqali tashkil qilinadi.
Anjumanda ishtirok etish uchun maqola va tezislar 2026-yil 5-oktabrgacha qabul qilinadi.
Tashkiliy qo‘mita materiallarni texnik tahrir qilish, shuningdek, maqola qabul qilinmagan taqdirda bu bo‘yicha izoh bermaslik huquqiga ega.
Maqola va tezislar uchun badal to‘lovi
1. Professor-o‘qituvchilar, doktorant, mustaqil izlanuvchi, magistrlar uchun – 120 000 (bir yuz yigirma ming) so‘m.
2. Talabalar uchun – 70 000 (yetmish ming) so‘m.
To‘lovlar uchun plastik karta raqami –
(Saidov O‘lmas Raxmatovich).
To‘lovdan keyin chekni yuborishingizni so‘raymiz.
Maqola va tezislarni yuborish
Maqola va tezislar 2026-yil 5-oktabrga qadar saidov7502@gmail.com elektron pochta yoki +99899 234-75-24 (Murodova Firiza Jalolovna), +99890 906-39-07 (Duysebayeva Dilbar Uskanovna) telegram orqali qabul qilinadi.