“INNOVATSION G‘OYALAR YETAKCHISI” KO‘KRAK NISHONI UCHUN HUJJAT TOPSHIRGAN TALABALARNI TOSHKENT VILOYATI HOKIMLIGIGA TAVSIYA QILINDI.
Chirchiq davlat pedagogika universiteti Kengashining 14-sonli yig‘ilishi qaroriga muvofiq, “Innovatsion g‘oyalar yetakchisi” ko‘krak nishoniga tavsiya etish maqsadida universitetning iqtidorli talaba, magistr va tayanch doktorantlari tomonidan ishlab chiqilgan innovatsion loyiha hamda g‘oyalar ko‘rib chiqildi.
Muhokamalar jarayonida nomzodlarning ilmiy-innovatsion faoliyati, amaliy tashabbuslari hamda ta’lim va jamiyat rivojiga qo‘shayotgan hissasi alohida e’tirof etildi. Yakuniy xulosaga ko‘ra, quyidagi nomzodlarning hujjatlari viloyat hokimligiga taqdim etildi:
- Xonchayev Muxsinbek Muxtorovich — “SPEED” ilovasi;
- Amanov Javlonbek Ulug‘bek o‘g‘li — “SCHOLAR MAP” loyihasi;
- Xaitboyev Jamoliddin Jaxongir o‘g‘li — “STUDENT JOB HUB” g‘oyasi;
- Ozodqulov Olimjon Bahodir o‘g‘li — “DERMOTERMOGIDROANALIZ QURILMASI” loyihasi.
Mazkur loyihalar innovatsion yondashuv, amaliy ahamiyat hamda yoshlarning ilmiy salohiyatini namoyon etishi bilan ahamiyatli deb topildi va “Innovatsion g‘oyalar yetakchisi” ko‘krak nishoniga munosib nomzodlar sifatida tavsiya etildi.
