CHIRCHIQ DAVLAT PEDAGOGIKA UNIVERSITETI TYUTORLIK LAVOZIMIGA ISHGA TAKLIF ETADI

Kategoriyalar:
E'lonlar

Chop etilgan sana: 13 Avgust 2026 18:45 Ko'rishlar: 306

Chirchiq davlat pedagogika universiteti quyidagi malaka talabalariga ega mutaxassislarni tyutorlik lavozimiga ishga taklif etadi:

- oliy maʼlumotga (bakalavr) ega boʻlish (ilmiy daraja va ilmiy unvonga ega shaxslarga afzalliklar beriladi);

- qonunchilik hujjatlariga muvofiq taʼlim berish huquqidan mahrum etilmagan boʻlishi;

- maʼnaviy-maʼrifiy va tarbiyaviy ishlar uslubiyoti va amaliyotini chuqur anglab yetgan, pedagogik-psixologik bilim va tajribaga ega boʻlish;

- namunaviy shaxsiy fazilatlarga, shu jumladan, madaniyatli, masʼuliyatli, kirishuvchan, vatanparvar va tashabbuskor boʻlish;

- mustaqil qaror qabul qilish koʻnikmalariga ega boʻlish.

Shuningdek,

- taʼlim faoliyatiga oid normativ-huquqiy hujjatlarni, taʼlim standartlari talablari va mazmunini bilishi;

- talabalar bilan ishlash, maʼnaviy-maʼrifiy sohaga oid bilimlar, maʼnaviy-maʼrifiy tadbirlarni tashkil etish va muvofiqlashtirish malakasiga ega boʻlishi, sohaga oid yangiliklardan xabardor boʻlishi;

- axborotni tahlil qila olish va umumlashtirish, axborot-tahliliy materiallarni tayyorlash, qarorlar qabul qilish va oʻz fikrlarini yozma hamda ogʻzaki bayon etish, topshiriqlarni qisqa va loʻnda ifoda etish qobiliyatiga ega boʻlishi;

- talabalarning oliy taʼlim tashkilotidagi faoliyatini tahlil qila olishi, muammolarini aniqlashi va ularni hal qilishning samarali yoʻllarini topish va amalda qoʻllashni bilishi lozim.

Izoh: belgilangan talablarga javob bermaydigan mutaxassislar tyutorlik lavozimiga tayinlanmaydi.

Tyutorlik lavozimiga nomzod tomonidan taqdim etiladigan hujjatlar:

(hujjatlar sifatli va imlo xatolardan xoli bo‘lishi zarur):

1. Ob’yektivka – Ma’lumotnoma.

2. Oliy ma’lumoti to‘g‘risidagi diplom nusxasi.

3. Pasport ma’lumotlari nusxasi.

4. Pedagogik faoliyati davrida erishgan natijalari (sertifikat, tashakkurnoma, faxriy yorliq, diplom) - 2 nusxada bo‘lishi lozim.

Hujjatlar quyidagi bosqichlarda ko‘rib chiqiladi:

1-bosqich – hujjatlar 2026-yil 14-20-avgustgacha universitetning Ma'naviyat bo‘limiga soat 10:00 dan 17:00 gacha elektron va qog‘oz variantda (papkada) 2 nusxada topshiriladi.

2-bosqich – hujjatlar 2026-yil 21-23-avgust kunlari ishchi guruhi tomonidan ko‘rib chiqiladi.

3-bosqich – 2026-yil 24-25-avgust kunlari ishchi guruhi suhbati o‘tkaziladi.

Mazkur talablar O‘zbekiston Respublikasi Vazirlar Mahkamasining 2025-yil 17-noyabrdagi “Oliy taʼlim tashkilotlarida tyutorlik faoliyatini tashkil etish tartibi toʻgʻrisidagi nizomni tasdiqlash haqida”gi VM-656-son qarorining 5-bob “Tyutorlarga qo‘yiladigan malaka talabalari” asosida belgilangan.

Nomzodlar suhbat hamda kompyuter savodxonligi (word va Excel) dan imtixon asosida qabul qilinadi.

Quyidagi havola orqali tyutorlik nizomi bilan tanishib chiqishingiz mumkin: https://lex.uz/en/docs/-7774756

Kerakli hujjatlarni ChDPU Yoshlar bilan ishlash, ma’naviyat va ma’rifat bo‘limiga topshirishingiz mumkin.

Manzil: Universitetning 7 qavatli yangi binosi 303-xona.

Murajaat uchun: 94 534 57 24