“Mehr” talaba teatr studiyasi Respublika talabalar festivali ko‘rik-tanlovining hududiy bosqichida ishtirok

Chirchiq davlat pedagogika universiteti huzuridagi Milliy Istiqbol markazi qoshida faoliyat yuritayotgan “Mehr” talaba teatr studiyasi Respublika talabalar festivali ko‘rik-tanlovining hududiy bosqichida ishtirokini davom ettirmoqda.

Talabalarimizning sahnadagi yuksak mahorati, jonli ijrosi va mazmunli chiqishlari tomoshabinlar bilan bir qatorda hakamlar hay’atida ham katta taassurot qoldirdi. Hatto hakamlar hay’ati a’zolari o‘rinlaridan turib, talabalarimizni qizg‘in qo‘llab-quvvatlagani chiqishlarning nechog‘li muvaffaqiyatli bo‘lganidan dalolat berdi.

Universitetimiz teatr jamoasiga ijodiy yutuqlar, yorqin sahna muvaffaqiyatlari va omad tilab qolamiz! 

Teatrning badiiy rahbari — Rahmatullayeva Shoxida Mahkamova.