4-Talabalar turar joyida Milliy taomlar festivali o‘tkazildi

Tadbir yoshlar o‘rtasida milliy qadriyatlarni targ‘ib etish, o‘zbek xalqining boy oshpazlik an’analarini namoyish qilish va TTJdagi madaniy muhitni yanada jonlantirish maqsadida tashkil etildi.

Festivalda har bir jamoa o‘ziga xos taom bilan qatnashib, ijodkorlik va mahoratini namoyish etdi. Do‘stlik va ahillik ruhida o‘tgan tadbirda turli hududlarning oshpazlik madaniyati tanishtirildi. Hakamlar eng mazali, eng chiroyli bezatilgan va eng kreativ taomlarni aniqlab, g‘oliblarni diplom hamda esdalik sovg‘alari bilan taqdirladilar.

Ushbu festival TTJda ko‘tarinki kayfiyat va milliy qadriyatlarga hurmat ruhini yanada mustahkamladi.