“Informatika va axborot texnologiyalari” fanidan Respublika fan olimpiadasi birinchi bosqichi

O‘zbekiston Respublikasi Prezidentining “Kimyo va biologiya yo‘nalishlarida uzluksiz ta’lim sifatini va ilm-fan natijadorligini oshirish choratadbirlari to‘g‘risida” 2020-yil 12-avgustdagi PQ-4805-son, “Axborot texnologiyalari sohasida ta’lim tizimini yanada takomillashtirish, ilmiy tadqiqotlarni rivojlantirish va ularni IT-industriya bilan integratsiya qilish choratadbirlari to‘g‘risida” 2020-yil 6-oktabrdagi PQ-4851-son hamda “Fizika sohasidagi ta’lim sifatini oshirish va ilmiy tadqiqotlarni rivojlantirish choratadbirlari to‘g‘risida” 2021-yil 19-martdagi PQ-5032-son qarorlariga muvofiq oliy ta’lim tashkilotlarining bakalavriat ta’lim yo‘nalishlari bitiruvchi bosqich talabalari ohtasida “Kimyo”, “Biologiya”, “Fizika” hamda “Informatika va axborot texnologiyalari” fanlaridan Respublika fan olimpiadalarini o‘tkazish bo’yicha O‘zbekiston Respublikasi oliy ta’lim, fan va innovatsiyalar vazirligining 2026-yil “23”-fevral 72-son buyrug’i tasdiqlangan. 

Ushbu buyruq ijrosini ta’minlash maqsadida Chirchiq davlat pedagogika universiteti Aniq fanlar fakulteti Axborot texnologiyalari va sun’iy intellekt kafedrasi tomonidan 2026-yil 12-mart kuni “Informatika va axborot texnologiyalari” fanidan universitet ichki olimpiadasi tashkil etildi.

Musobaqa davomida talabalar informatika va axborot texnologiyalari sohasiga oid nazariy bilimlari hamda amaliy ko‘nikmalarini namoyon etdilar. Olimpiada topshiriqlari talabalarning algoritmik fikrlashi, dasturlash asoslari, axborot texnologiyalari bo‘yicha bilimlarini aniqlashga qaratildi.

Olimpiada jarayoni yuqori tashkiliy darajada o‘tkazildi hamda talabalar bilimini xolis baholash uchun tegishli komissiya a’zolari tomonidan nazorat qilindi va ishtirokchilarning bajargan ishlari baholanib egallagan o‘rinlari e’lon qilindi.

Olimpiada ushbu talabalar respublika bosqichiga qatnashish imkoniyatini qo'lga kiritishdi.