БАЪЗЕ ВИЖАГИҲОИ ОСОРИ ҶУНАЙДУЛЛОҲИ ҲОЗИҚ
QR kod:
Доир ба ҳаёт ва эҷодиёти Ҷунайдуллоҳи Ҳозиқ аз ҷониби олимони тоҷик ва ӯзбек рисола ва мақолаҳои бисёре нависта ва нашр шудаанд, ки ҳар кадоми онҳо дар илми адабиётшиносӣ ҷойгоҳи худро дорад. Дар байни онҳо навиштаҳои Садриддин Айнӣ, Абдулғанӣ Мирзоев, Холиқ Мирзозода, Азиз Қаюмов, Носирҷон Маъсумӣ бештар ҷолиби таваҷҷӯҳанд. Тарҷимаи ҳол, ашъори лирикӣ ва маснавии “Юсуф ва Зулайхо” дар рисолаи “Ҷунайдуллоҳи Ҳозиқ ва достони ӯ “Юсуф ва Зулайхо” аз ҷониби С.Амирқулов таҳқиқ карда шудааст.
Дар ин монография сухан дар бораи хусусиятҳои хоси эҷодёти шоири зуллисонайн ва мавқеи ӯ дар адабиёти тоҷик ва ӯзбек меравад.
Рисола барои донишҷӯён, ходимони илмӣ, муҳаққиқон ва оммаи васеи китобхонҳо пешбинӣ шудааст.
