Begin Edu fair Tashkent 2026

BEGIN EDU FAIR — TASHKENT 2026

2026-yil 6-oktabr kuni Toshkent shahridagi AZIMUT Grand Hotel mehmonxonasida “BEGIN EDU FAIR — TASHKENT 2026” xalqaro ta’lim ko‘rgazmasi bo‘lib o‘tadi. Tadbir soat 15:00 dan 19:00 gacha davom etadi.

Ko‘rgazma CHDPU vakillari uchun xorijiy oliy ta’lim muassasalarida ta’lim olish, xalqaro grant dasturlarida ishtirok etish, nemis tilini o‘rganish hamda xalqaro akademik hamkorlikni rivojlantirish bo‘yicha yangi imkoniyatlar bilan tanishish imkonini beradi.

Tadbir doirasida Germaniya oliy ta’lim muassasalarida ta’lim olish imkoniyatlari va grant dasturlari, DAAD dasturlari, Goethe-Institut tomonidan taqdim etiladigan nemis tili kurslari va maxsus loyihalar haqida ma’lumotlar beriladi. Shuningdek, Saksoniya federal yeridagi oliy ta’lim muassasalarining O‘zbekistondagi vakillari bilan hamkorlik istiqbollarini muhokama qilish hamda boshqa Yevropa davlatlari universitetlari bilan xalqaro aloqalarni rivojlantirish imkoniyatlari ko‘rib chiqiladi.

Tadbir CHDPUning xalqaro hamkorlik geografiyasini kengaytirish, talabalar va professor-o‘qituvchilar uchun xorijiy ta’lim va akademik mobillik imkoniyatlarini oshirish, shuningdek, xalqaro grant va ta’lim dasturlariga jalb etish bo‘yicha muhim platformalardan biri hisoblanadi.

📅 Sana: 6-oktabr 2026-yil
🕒 Vaqt: 15:00–19:00
📍 Manzil: AZIMUT Grand Hotel, 107A Amir Temur shoh ko‘chasi, Toshkent