“BESH MILLION SUN’IY INTELLEKT YETAKCHILARI” LOYIHASI BILAN O‘Z KELAJAGINGIZNI QURING!
Sun’iy intellekt va zamonaviy axborot texnologiyalari yo‘nalishida bilim olish, xalqaro sertifikatlarga ega bo‘lish hamda kelajak kasblarini egallash uchun yangi imkoniyatlardan foydalaning!
2025-yilda boshlangan “Besh million sun’iy intellekt yetakchilari” loyihasi yoshlarning raqamli texnologiyalar va sun’iy intellekt sohasidagi bilim hamda ko‘nikmalarini rivojlantirish, zamonaviy kasblarga yo‘naltirish va xalqaro mehnat bozorida raqobatbardosh mutaxassislarni tayyorlashga qaratilgan.
Loyiha doirasida dunyoning nufuzli xalqaro va mahalliy ta’lim platformalari bilan hamkorlik yo‘lga qo‘yilgan bo‘lib, yoshlarga sun’iy intellekt, dasturlash, ma’lumotlar tahlili, bulutli texnologiyalar va boshqa istiqbolli IT yo‘nalishlarida ta’lim olish imkoniyati yaratilgan.
200 ga yaqin zamonaviy kurslar — yagona platformada!
Bugungi kunda aileaders.uz platformasi orqali xalqaro va mahalliy ta’lim tashkilotlarining 200 ga yaqin kurslaridan foydalanish mumkin.
Jumladan:
- Oracle — 45 ta kurs;
- MohirDev — 26 ta kurs;
- IT-study — 26 ta kurs;
- Huawei — 24 ta kurs;
- AWS — 21 ta kurs;
- eOppiva — 17 ta kurs;
- Alison — 5 ta kurs;
- Apolitical — 5 ta kurs;
- Coursera — 5 ta kurs;
- Meta — 3 ta kurs;
- Skillbox — 2 ta kurs;
- omp.aistudy.uz — 4 ta kurs.
Mazkur ta’lim imkoniyatlari orqali ishtirokchilar o‘z qiziqishlari va kasbiy maqsadlariga mos kurslarni tanlab, bilim va amaliy ko‘nikmalarini mustaqil ravishda rivojlantirishlari mumkin.
Xalqaro sertifikatlar va ta’lim xarajatlarini qoplash imkoniyati
Loyihaning muhim afzalliklaridan biri — xalqaro ta’lim platformalarida bilim olib, tegishli kurs talablarini muvaffaqiyatli bajargan holda sertifikatlarga ega bo‘lish imkoniyatidir.
Shuningdek, it-istedod.uz platformasi orqali belgilangan talab va shartlarga muvofiq, ta’lim olish uchun sarflangan xarajatlarning 100 foizigacha qismini qoplash imkoniyati nazarda tutilgan.
Chirchiq davlat pedagogika universiteti talabalariga!
Chirchiq davlat pedagogika universiteti barcha talaba-yoshlarni, xususan, 2026/2027-o‘quv yilida 1-kursga qabul qilingan hamda yuqori kurslarda tahsil olayotgan talabalarni ushbu loyiha imkoniyatlaridan faol foydalanishga chorlaydi.
Sun’iy intellekt texnologiyalarini o‘rganish, raqamli savodxonlikni oshirish va zamonaviy kasbiy kompetensiyalarni shakllantirish kelajakdagi pedagogik hamda ilmiy-innovatsion faoliyatda muhim ahamiyat kasb etadi.
O‘z ustingizda ishlang, zamonaviy bilimlarni egallang va kelajagingizga bugundan sarmoya kiriting!
Batafsil ma’lumot va ro‘yxatdan o‘tish: