CHDPU xotin-qizlarning huquqiy bilimlarini oshirishga bag‘ishlangan davra suhbati o‘tkazildi

     Joriy yilning 17 aprel kuni Chirchiq davlat pedagogika universitetida ta’lim olayotgan xotin-qizlarning ijtimoiy-siyosiy hamda iqtisodiy jabhalardagi huquqiy savodxonligini oshirishga bag‘ishlangan davra suhbati o‘tkazildi. Chirchiq shahar Hokimiyati bilan hamkorlikda tashkil etilgan tadbirda, shuningdek universitet professor-o‘qituvchilari, tyutorlar ishtirok etdi.
     Tadbirda Prezidentimizning 2026 yil 3 martdagi «Ayollar va bolalar huquqlarining himoyasini kuchaytirish hamda ularga nisbatan tazyiq va zo‘ravonlik holatlarining oldini olish bo‘yicha qo‘shimcha tashkiliy-huquqiy choralar to‘g‘risida»gi qarorining mazmun-mohiyati va bu boradagi amaliy ishlar haqida fikr yuritildi.
     Davra suhbatida so‘z olgan “Ma’rifat” targ‘ibotchilari jamiyati a’zosi, professor, O‘zbekistonda xizmat ko‘rsatgan yoshlar murabbiysi Jamila Shermuhammedova oila, ish va o‘qishda xotin-qizlarni tazyiq va zo‘ravonlikdan hamda ijtimoiy tarmoqlarda turli ko‘rinishdagi rasmlari, videolarini tarqatish orqali ularning shaxsiy hayot daxlsizligini buzish holatlaridan himoyalash tizimlari haqida batafsil tushuncha berdi. Qizlarni ruhiy himoya qilish institutlari faoliyati bilan tanishtirdi.
     Moderatorning oila va nikoh munosabatlari, oila psixologiyasi, ayollarning o‘ziga ishonchini oshirish yuzasidan qilgan chiqishlari ham talaba-qizlar uchun qiziqarli kechdi.

Universitet Axborot xizmati