CHDPUda sayyor qabul uchrashuvi bo‘lib o‘tdi

Bugun Chirchiq davlat pedagogika universitetida rektor G'ofurjon Muxamedov rahbarligida professor-o‘qituvchilar hamda talabalar ishtirokida navbatdagi sayyor qabul uchrashuvi tashkil etildi.

Uchrashuv davomida rektor talabalar bilan ochiq muloqot olib borib, ularning taklif va tashabbuslari, shuningdek, muammo va ehtiyojlari bilan bevosita qiziqdi. Har bir murojaat diqqat bilan tinglanib, masalalarning mazmun-mohiyatiga alohida e’tibor qaratildi.

Mazkur uchrashuvda universitetning birinchi prorektori, sohaviy prorektorlar, rektor maslahatchilari hamda tegishli bo‘lim rahbarlari ishtirok etib, talabalar va xodimlar tomonidan bildirilgan murojaatlar yuzasidan tegishli izoh va yechimlar berildi.

Qabul jarayonida:
— oshxona xizmati va narx-navoni tartibga solish,
— akademik mobillik va xalqaro almashinuv dasturlari,
— ta’lim jarayonidagi tashkiliy masalalar,
— xizmat ko‘rsatish tizimidagi kamchiliklar,
— kutubxona va infratuzilma holati kabi dolzarb masalalar ko‘tarildi.

Bildirilgan muammolarning bir qismi joyida hal etildi, qo‘shimcha o‘rganish talab etilgan masalalar esa mas’ullar zimmasiga yuklatilib, nazoratga olindi.

Shuningdek, universitet rahbariyati tomonidan talabalar uchun qulay shart-sharoitlar yaratish, murojaatlar bilan ishlash samaradorligini oshirish hamda ta’lim sifatini yuksaltirish bo‘yicha aniq vazifalar belgilab berildi.

Universitet Axborot xizmati