Chirchiq davlat pedagogika universitetida 2026/2027-o‘quv yilining boshlanishi munosabati bilan tantanali ochilish marosimi bo‘lib o‘tdi
Tadbirda universitet rahbariyati, professor-o‘qituvchilar, birinchi bosqichga qabul qilingan talabalar va ularning ota-onalari, Chirchiq shahri hokimligi vakillari ishtirok etdi. Tantanali marosimni universitet rektori, professor G‘ofurjon Muxamedov ochib berdi va ishtirokchilarni yangi o‘quv yili bilan qutladi.
Marosim davomida yangi o‘quv yilida universitet oldida turgan ustuvor vazifalar, talabalarning sifatli ta’lim olishi, zamonaviy bilim va ko‘nikmalarni egallashi uchun yaratilayotgan imkoniyatlar haqida so‘z yuritildi. Birinchi bosqich talabalariga universitet hayotida faol ishtirok etish, o‘z mutaxassisligini puxta egallash hamda mavjud imkoniyatlardan samarali foydalanish bo‘yicha tilaklar bildirildi.
Shuningdek, tadbir doirasida birinchi bosqich talabalarining universitet muhitiga moslashishi, ta’lim jarayoni va ichki tartib-qoidalar bilan yaqindan tanishishiga ko‘maklashishga qaratilgan “Birinchi kurs maktabi” haftaligiga rasman start berildi.
Mazkur haftalik davomida talabalar uchun universitet tuzilmasi, ta’lim jarayoni, talabalar hayoti, mavjud imkoniyat va xizmatlar, shuningdek, ularning huquq hamda majburiyatlari yuzasidan turli uchrashuv va tanishtiruv tadbirlari tashkil etilishi ko‘zda tutilgan.
Yangi o‘quv yilining ochilish marosimi talabalarni universitet hayotiga yanada faol jalb etish va ularning yangi ta’lim bosqichidagi ilk qadamlarini qo‘llab-quvvatlashga xizmat qildi.
Universitet Axborot xizmati
Galereya
