Chirchiq davlat pedagogika universitetida kompleks davlat akkreditatsiyasi davom etmoqda

Chirchiq davlat pedagogika universitetida kompleks davlat akkreditatsiyasi davom etmoqda

Kompleks davlat akkreditatsiyasi doirasida ekspertlar guruhi Gumanitar fanlar fakulteti**ga tashrif buyurib, fakultetning ta’lim, ilmiy-tadqiqot hamda ma’naviy-ma’rifiy faoliyati, talabalar uchun yaratilgan shart-sharoitlar bilan yaqindan tanishdi.

Tashrif davomida ekspertlar **Yuridik klinika, Tarix laboratoriyasi, Arxeologiya laboratoriyasi hamda “Temuriylar Renessansi” tematik xonasi faoliyati bilan yaqindan tanishdilar. Mazkur obyektlarda talabalar uchun yaratilgan amaliy mashg‘ulotlar, ilmiy-tadqiqot olib borish va tarixiy-madaniy merosni o‘rganish imkoniyatlari namoyish etildi.
Shuningdek, ekspertlar fakultet qoshida faoliyat yuritayotgan Qozoq markazi, Tojik markazi va Rus do‘stlik markazi faoliyati bilan tanishib, turli xalqlar madaniyati, urf-odatlari, tili va an’analarini o‘rganish hamda millatlararo do‘stlik va hamjihatlikni mustahkamlashga qaratilgan ishlar haqida ma’lumot oldilar. Tashrif davomida “Talabalar akademiyasi” bog‘i ham ko‘zdan kechirilib, talabalar uchun yaratilgan zamonaviy va qulay muhit, ularning bo‘sh vaqtini mazmunli tashkil etish hamda ilmiy-ijodiy salohiyatini rivojlantirishga qaratilgan imkoniyatlar namoyish etildi.

Shuningdek, bog‘ hududida joylashgan “Buyuk Ipak yo‘li sivilizatsiyasi”, “Humo qushi”, “Oq qushlar” kabi o‘ziga xos kompozitsiyalar ekspertlar e’tiboriga havola etildi.

Gumanitar fanlar fakultetida ta’lim, ilm-fan, tarix, madaniyat va millatlararo do‘stlik uyg‘unligi asosida talabalar uchun keng imkoniyatlar yaratilgan.