Yangi daraxt — yangi nafas!
“Yashil makon”: Chirchiq davlat pedagogika universitetida eko-chempionat g‘oliblari aniqlandi!
“Yangi daraxt — yangi nafas!” shiori ostida o‘tgan hafta boshlangan umummilliy loyiha doirasidagi respublika eko-chempionati Chirchiq davlat pedagogika universitetida ko‘tarinki ruhda yakunlandi.
Universitet jamoasi, talaba-yoshlar hamda ko‘ngillilar birlashib, “Bir talaba — bir ko‘chat!” aksiyasi doirasida o‘zlariga biriktirilgan hududlarni yashil maydonlarga aylantirishdi. Bu nafaqat tadbir, balki yoshlarning ona tabiatga bo‘lgan hurmati va kelajak uchun mas’uliyatining amaliy ifodasi bo‘ldi.
Eko-chempionatda faol ishtirok etganlar uchun taqdirlash marosimi yaqin kunlarda bo‘lib o‘tadi.
