“Yashil makon” umummilliy loyihasi

Prezidentimiz tomonidan ilgari surilgan “Yashil makon” umummilliy loyihasi doirasida respublikamizda yiliga 200 million tup daraxt va buta koʻchatlarini ekish va shu orqali shahar, tumanlardagi yashil maydonlarni amaldagi 8% dan 30% ga oshirish reja qilingan.
Mazkur loyihani amalga oshirish maqsadida, Toshkent viloyati Chirchiq davlat pedagogika instituti barcha fakultetlar hududida “Yashil makon- sog‘lom kelajak” aksiyasi yuqori saviyada tashkil etildi.
Ushbu loyihada instutut barcha professor-o’qituvchilari, tashabbuskor tyutorlari, xo’jalik bo’limining ishchi-xodimlari hamda faol talaba-yoshlari ishtirok etdi.
Bo’lib o’tgan loyiha doirasida Institutga tegishli hududlarga 956 tupdan ziyod turli xildagi mevali va manzarali daraxt va 22 mingdan ortiq gul ko‘chatlari ekildi.
Bir so‘z bilan aytganda, Institutning jonkuyar jamoasi hamda talaba-yoshlari obodonlashtirish va ko‘kalamzorlashtirish ishlarida faol ishtirok etib kelmoqda.