Gumanitar fanlar fakultetida bitiruv malakaviy ishlar himoyasi bo‘lib o‘tdi.
Chirchiq davlat pedagogika universiteti Gumanitar fanlar fakulteti tarkibidagi Tarix kafedrasi hamda “Milliy g‘oya, ma’naviyat va huquq ta’limi” kafedralarida bakalavriat ta’lim yo‘nalishlari bitiruvchi talabalarining bitiruv malakaviy ishlari himoyasi yuqori saviyada tashkil etildi.
Himoya jarayonlarida talabalarning ilmiy-tadqiqot faoliyati, mavzularning dolzarbligi, nazariy va amaliy ahamiyati, shuningdek, zamonaviy ilmiy yondashuvlar asosida olib borilgan izlanishlari atroflicha baholandi. Bitiruv ishlarida mamlakatimizda amalga oshirilayotgan ta’lim islohotlari, milliy qadriyatlar, ma’naviy-ma’rifiy taraqqiyot, huquqiy ong va tarixiy jarayonlarning dolzarb masalalari ilmiy jihatdan tahlil qilindi.
Himoya davomida talabalar o‘z ilmiy ishlari yuzasidan taqdimotlar o‘tkazib, Davlat attestatsiya komissiyasi a’zolarining savollariga batafsil javob berdilar. Komissiya tomonidan bitiruv malakaviy ishlarining ilmiy saviyasi, manbalar bilan ishlash ko‘nikmalari hamda tahliliy yondashuvlari ijobiy baholandi.
Ta’kidlash joizki, mazkur himoyalar yosh mutaxassislarning ilmiy salohiyatini namoyon etish, ularni mustaqil fikrlash va tadqiqotchilik faoliyatiga yo‘naltirishda muhim ahamiyat kasb etmoqda.
Yakunda faol ishtirok etgan talabalar hamda ilmiy rahbarlarga muvaffaqiyat tilanib, bitiruvchilarning kelgusidagi ilmiy va kasbiy faoliyatiga omad tilandi.
Galereya
