Rus tilshunosligi va adabiyotshunosligi kafedrasi o'qituvchilari bilan reyting va jozibadorlik bo'yicha seminar-trening o'tkazildi

Gumanitar fanlar fakultetining Rus tilshunosligi va rus adabiyotshunosligi kafedrasi professor-o‘qituvchilari ishtirokida reyting indikatorlari bo‘yicha rejalarni tasdiqlash hamda universitet jozibadorligini oshirishga qaratilgan ustuvor vazifalar muhokamasiga bag‘ishlangan seminar-trening tashkil etildi.
Mazkur seminar-treningda oliy ta’lim muassasalarining xalqaro va milliy reytinglardagi o‘rnini mustahkamlash, ta’lim sifati va ilmiy salohiyatni yuksaltirish, professor-o‘qituvchilarning ilmiy faolligini oshirish kabi muhim masalalar atroflicha tahlil qilindi.
Seminar davomida reyting indikatorlarini bajarish mexanizmlari, xalqaro ilmiy bazalarda maqolalar chop etish, xorijiy hamkorlik aloqalarini kengaytirish, ta’lim jarayoniga innovatsion yondashuvlarni joriy etish kabi masalalar bo‘yicha amaliy tavsiyalar berildi.Seminar yakunida professor-o‘qituvchilarning universitet ta’lim va ilm-fan integratsiyasini kuchaytirish hamda raqobatbardosh kadrlar tayyorlashdagi mas’uliyati alohida ta’kidlandi.