Mazkur tadbir “Oila – vatanparvarlik va ma’naviy tarbiyaning ilk maskani, farzand kamolotiga milliy qadriyatlar va an’analar ta’siri” mavzusida o‘tkazildi.

Oʻzbekiston Respublikasi Prezidentining 2018-yil 3898-sonli qarori ijrosini ta’minlash, shuningdek, harbiy xizmatchilar hamda yoshlarni yuqori bilim va ma’naviy salohiyat ruhida tarbiyalash maqsadida joriy yilning 5-may kuni Chirchiq garnizonida joylashgan 23229-harbiy qismda ma’naviy-ma’rifiy tadbir tashkil etildi.

Mazkur tadbir “Oila – vatanparvarlik va ma’naviy tarbiyaning ilk maskani, farzand kamolotiga milliy qadriyatlar va an’analar ta’siri” mavzusida o‘tkazildi.

Tadbirda Chirchiq davlat pedagogika universiteti pedagogika fanlari bo‘yicha falsafa doktori (PhD) Ilmurodova Feruza Shakirovna ishtirok etib, mavzu doirasida ma’ruza qildilar hamda ishtirokchilarga ilmiy-amaliy tavsiyalar berdilar.

Ushbu tadbirdan ko‘zlangan asosiy maqsad – yoshlarda vatanparvarlik tuyg‘usini shakllantirish, milliy qadriyatlar va an’analarga hurmatni oshirish, shuningdek, ma’naviy barkamol avlodni tarbiyalashdan iborat.

Tadbir yakunida ishtirokchilar tomonidan mavzu yuzasidan fikr-mulohazalar bildirildi.