Har bir murojaat – e’tibor va amaliy yechim markazida

     Chirchiq davlat pedagogika universiteti rektori, Xalq deputatlari viloyati Kengashi deputati G‘afurjon Muxamedov hamda Parkent tuman hokimi Elmurod Po‘latov ishtirokida Parkent tumanidagi 29-sonli Bolalar musiqa va san’at maktabida sayyor qabul o‘tkazildi.
     Qabul davomida fuqarolar tomonidan ko‘tarilgan ijtimoiy ahamiyatga ega masalalar batafsil tinglanib, har bir murojaat yuzasidan amaldagi qonunchilik talablari asosida tegishli mutasaddilar ishtirokida muhokamalar olib borildi. Murojaatlarni joyida hal etish imkoniyatlari ko‘rib chiqilib, ularning ijrosini ta’minlash bo‘yicha aniq vazifalar belgilandi.
     Fuqarolar tomonidan bildirilgan murojaatlarning asosiy qismini uy-joy bilan ta’minlash, kadastr hujjatlarini rasmiylashtirish, imtiyozli kredit ajratish, davlat ko‘magi hamda boshqa ijtimoiy masalalar tashkil etdi.
     Sayyor qabulda jami 21 ta murojaat ro‘yxatga olindi. Shundan 5 tasi joyida ijobiy hal etildi, 4 ta murojaat yuzasidan huquqiy tushuntirish va amaliy tavsiyalar berildi. Qolgan 12 ta murojaatning ijrosi bo‘yicha mas’ul tashkilotlarga tegishli topshiriqlar berilib, ularning bajarilishi nazoratga olindi.

Axborot xizmati