Qabul 2026
Qabul 2026-YIL
Chirchiq Davlat Pedagogika Universitetiga xush kelibsiz!
Chirchiq davlat pedagogika universiteti 2026–2027 o‘quv yili uchun bakalavriat va magistratura bosqichlariga abituriyentlarni qabul qilish jarayonini boshlaydi. Qabul jarayoni O‘zbekiston Respublikasi Oliy ta’lim, fan va innovatsiyalar vazirligining belgilangan tartib va qoidalariga muvofiq amalga oshiriladi.
📘 Qabul jarayonining asosiy yo‘nalishlari:
- Bakalavriat – umumiy o‘rta va o‘rta maxsus ta’lim bazasida;
- Magistratura – bakalavriatni muvaffaqiyatli tamomlagan talabalar uchun;
- Ikkinchi mutaxassislik – mavjud diplomi asosida yangi yo‘nalishda tahsil olish istagida bo‘lganlar uchun.
1. Ro‘yxatdan o‘tish
🗓 Muddati: 2026-yil 5-iyundan 25-iyungacha (25-iyun kuni ham).
Ro‘yxatdan o‘tish my.gov.uz yoki my.uzbmb.uz saytlari orqali onlayn shaklda amalga oshiriladi.
- Test sinovi topshiradigan fanlar majmuasini tanlaydi;
- Test sinovi topshiriladigan tilni (o‘zbek, rus, ingliz) tanlaydi;
- Hudud (viloyat, tuman yoki shahar)ni belgilaydi;
- Agar yo‘nalish ijodiy imtihon talab qilsa, ijodiy imtihon topshiriladigan OTMni tanlaydi.
2. Kirish imtihonlari
Kirish test sinovlari iyul–avgust oylarida o‘tkaziladi.
- Imtihonlar Bilim va malakalarni baholash agentligi tomonidan markazlashgan tarzda o‘tkaziladi;
- Har bir abituriyent tanlagan fanlar majmuasi bo‘yicha test topshiradi;
- Test savollari mazmuni avvaldan e’lon qilingan dasturlar asosida tuziladi;
- Ijodiy yo‘nalishlarga topshiruvchilar belgilangan sanalarda ijodiy (kasbiy) imtihon topshiradilar.
3. Tanlov bosqichi
Test natijalari e’lon qilingach, abituriyentlar o‘z ballari asosida ta’lim yo‘nalishi, oliy ta’lim muassasasi va ta’lim shaklini tanlaydilar.
🗓 Tanlov muddati: test natijalari e’lon qilingan kundan boshlab 15 kun davom etadi.
🎓 Chirchiq davlat pedagogika universitetini tanlash
- Shaxsiy kabinetga kirib, yo‘nalish tanlash sahifasini ochasiz;
- “Oliy ta’lim muassasasi” ro‘yxatidan Chirchiq davlat pedagogika universitetini tanlaysiz;
- O‘zingizga mos yo‘nalish va ta’lim shaklini (kunduzgi, kechki, sirtqi) belgilaysiz;
- Tanlovni tasdiqlaysiz.
✅ Agar sizning ballaringiz tanlagan yo‘nalish bo‘yicha o‘qishga kirish chegarasidan yuqori bo‘lsa, siz CHDPU talabasisiz!
4. Qabul natijalari va o‘qishga kirish
- Yakuniy natijalar my.uzbmb.uz va OTM rasmiy saytlarida e’lon qilinadi;
- O‘qishga qabul qilinganlar shaxsiy kabinetdan shartnomani yuklab olishlari mumkin;
- To‘lov amalga oshirilgach, talabalar rasman universitet talabalari sifatida ro‘yxatga olinadi.
5. Imtiyozlar va xalqaro talabalar
- Imtiyozli abituriyentlar (ijtimoiy himoya toifasiga kiruvchilar) uchun maxsus davlat granti kvotalari mavjud;
- Xalqaro talabalar uchun onlayn test yoki masofaviy suhbat tizimi joriy etilgan;
- Sport yo‘nalishlari uchun xalqaro musobaqa g‘oliblari imtihonsiz qabul qilinadi.
🔗 Foydali havolalar
- 📘 Test fanlari majmuasi ro‘yxati (PDF)
- 🧾 Ro‘yxatdan o‘tish yo‘riqnomasi (PDF)
- 📅 Qabul sanalari va jadvali (PDF)
- ☎️ Qabul komissiyasi bilan bog‘lanish
💬 Savollar bormi?
Qabul bo‘limi sizga har qadamda yordam beradi.
📞 Telefon: +998 71 7166805
📧 Email: info@cspu.uz
🌐 Veb-sayt: www.cspu.uz
Qabul bo‘yicha qo'shimcha ma’lumotlar
2026/2027-o‘quv yili bakalavriatga qabul uchun baholash mezonlari
2026/2027-o‘quv yili bakalavriat qabuli: test fanlari va baholash mezonlari
Oliy ta’lim, fan va innovatsiyalar vazirligi tomonidan 2026/2027-o‘quv yili uchun bakalavriat ta’lim yo‘nalishlariga mos test sinovlari fanlari, savollar soni va baholash mezonlari tasdiqlandi. Mazkur tartib o‘tgan yilgi qabul tizimi bilan bir xil bo‘lib qolmoqda.
Majburiy fanlar bo‘yicha test topshiriqlari
Barcha abituriyentlar uchun 3 ta majburiy fan belgilangan bo‘lib, ular asosiy bilim darajasini aniqlashga xizmat qiladi.
Ona tili, matematika va O‘zbekiston tarixi
Ona tili (o‘zbek, rus, qoraqalpoq) – 10 ta savol
Matematika – 10 ta savol
O‘zbekiston tarixi – 10 ta savol
Har bir savol 1.1 ball bilan baholanadi.
Natija:
Jami – 30 ta savol
Maksimal ball – 33 ball
Ta’lim yo‘nalishiga mos fanlar
Abituriyent tanlagan yo‘nalishiga qarab yana 2 ta asosiy fan bo‘yicha test topshiradi.
1-fan (asosiy fan)
30 ta savol, har biri 3.1 ball
Jami – 93 ball
2-fan
30 ta savol, har biri 2.1 ball
Jami – 63 ball
Natija:
Jami – 60 ta savol
Maksimal ball – 156 ball
Umumiy test tizimi va maksimal ball
2026/2027-o‘quv yilida abituriyentlarga:
Umumiy ko‘rsatkichlar
5 ta fan
90 ta test savoli
Maksimal ball – 189 ball
Mazkur tizim abituriyentlarning bilimini kompleks baholash va yo‘nalish bo‘yicha tayyorgarligini aniqlashga qaratilgan.
Xulosa. 2026/2027-o‘quv yili uchun bakalavriat qabuli tizimi o‘zgarishsiz qoldirildi. Abituriyentlar 3 ta majburiy fan va 2 ta yo‘nalish fanidan test topshiradi. Jami 90 ta savol orqali maksimal 189 ball to‘plash imkoniyati mavjud. Ushbu tizim adolatli baholash va bilim darajasini aniq aniqlashga xizmat qiladi.
Muhim joylari:
➖ abituriyentlar 5-iyundan 25-iyunga qadar (25-iyun kuni ham) test sinovi topshirish uchun ro‘yxatdan o‘tadi. Bunda abituriyentlar faqat test sinovi topshiriladigan fanlar majmuasi, ta’lim tili va test topshirish hududini tanlaydi xolos;
➖ fanlar majmuasini tanlaganda qaysi yo‘nalishlarga mos kelishi haqida ma’lumot chiqadigan bo‘libdi, bu ancha qulay;
➖ agar kirish imtihonlari tarkibida kasbiy (ijodiy) imtihon bo‘lsa, ushbu imtihonni topshiradigan davlat oliy ta’lim muassasasini tanlaydi. Bunda aynan o'zi kirmoqchi bo'lgan OTMda ijodiy imtihon topshirish shart emas. Masalan, kimdir O'zbekiston jurnalistika va ommaviy kommunikatsiya universitetiga kirmoqchi bo'lsa, unda ijodiy imtihonni istalgan hududda, aytaylik Buxoro yoki Andijonda topshirsa ham bo'ladi;
➖ Test topshirish hududi qismida So'x va Denov tumani ham bor. Ya'ni So'x tumanidagilar Farg'ona shahriga, Denov hamda uning atrofidagi tumanlar Termiz shahriga kelishi shart emas;
➖ Avvalgi yillarda bitirganlar testga kirish uchun 206 ming so’m miqdorida to'lov qilishi kerak bo'ladi. To'lovni 25-iyungacha bo'lib to'lash ham mumkin, undan kechiksa, testga kiritilmaydi;
➖ fikri o’zgarib qolgan abituriyent 25-iyungacha qayta ariza topshirsa (arizani tahrirlasa) bo’ladi. 25-iyundan keyin arizani o’zgartirishga ruxsat berilmaydi;
✅ Imtihonlar iyul–avgust oylarida o‘tkaziladi.
Manba: @xushnudbekuz
Bakalavriat va magistratura uchun chet tili sertifikati talablari: yangi tartib kimlarga tegishli?
Hukumat qarori bilan Oliy ta’lim tashkilotlarining bakalavriatiga o‘qishga qabul qilish tartibi to‘g‘risidagi nizomga (2025-yil 13-sentyabrdagi VMning 578-son qarori) bir qator o‘zgartirishlar kiritildi. Ushbu o‘zgarishlar abituriyentlar orasida magistratura bosqichiga ham taalluqlimi, degan savolni keltirib chiqardi.
Yangi tartib faqat bakalavriat bosqichi uchun amal qiladi
Bakalavriat yo‘nalishlarida chet tili talabi
Kiritilgan o‘zgartirishlarga ko‘ra, fanlar majmuasida chet tili mavjud bo‘lgan bakalavriat ta’lim yo‘nalishlariga qabul quyidagi tartibda amalga oshiriladi:
xorijiy tilni bilish bo‘yicha
kamida B1 darajadagi
milliy yoki xalqaro tan olingan sertifikat asosida.
Muhim jihat shundaki, mazkur talab faqat bakalavriat bosqichi uchun belgilangan.
Ushbu tartib magistratura bosqichiga ham taalluqlimi?
Magistratura uchun B1 talabi joriy etildimi?
Yo‘q. Hukumat qarori bilan faqat “bakalavriatga qabul qilish tartibi to‘g‘risidagi nizom”ga o‘zgartirishlar kiritilgan. Shu sababli B1 darajadagi sertifikat talabi magistratura bosqichiga avtomatik tarzda tatbiq etilmaydi.
Magistratura bosqichi uchun chet tili talablari alohida hujjatlar bilan tartibga solinadi.
Magistratura bosqichida chet tili talablari qanday belgilanadi?
2024-yilgi Prezident Farmoni asosidagi tartib
2024-yil 25-may kuni Prezident Farmoni e’lon qilingan bo‘lib, unga muvofiq:
magistraturaga kirishda chet tili talablari yo‘nalishlarga qarab farqlangan;
avvalgi yillarda amal qilgan yagona talab bekor qilingan.
Oldingi tartib qanday edi?
Oldingi tartibga ko‘ra:
filologik yo‘nalishlar uchun — C1 daraja;
boshqa barcha yo‘nalishlar uchun — B2 daraja chet tili sertifikati talab etilgan.
Hozirda qaysi darajadagi sertifikatlar qabul qilinadi?
OTM va mutaxassislikka qarab talablar farqlanadi
Oliy ta’lim, fan va innovatsiyalar vazirligi tomonidan 2024–2025-o‘quv yili uchun magistratura va doktoranturaga kirishda talab qilinadigan chet tili sertifikatlari ro‘yxati tasdiqlangan.
Mazkur ro‘yxatlarda:
ayrim mutaxassisliklar uchun — B1,
ko‘pchilik yo‘nalishlar uchun — B2,
filologik va ayrim maxsus yo‘nalishlar uchun — C1 darajadagi sertifikatlar qabul qilinishi belgilangan.
Aniq talablar har bir yo‘nalish kesimida alohida ko‘rsatiladi.
Magistratura va doktorantura uchun sertifikatlar ro‘yxati qayerda?
Magistratura va doktorantura bosqichlari uchun:
qabul qilinadigan chet tili sertifikatlari,
ularning darajalari,
tan olinadigan milliy va xalqaro sertifikatlar
to‘g‘risidagi to‘liq ma’lumotlar vazirlik tomonidan e’lon qilingan rasmiy fayllarda keltirilgan.
Xulosa qilib aytganda:
B1 darajadagi chet tili sertifikati bo‘yicha yangi talab faqat bakalavriat bosqichi uchun amal qiladi;
magistratura bosqichiga hujjat topshirishda esa yo‘nalish va OTMga qarab B1, B2 yoki C1 darajadagi sertifikat talab qilinadi;
magistraturaga hujjat topshirishdan oldin tanlangan mutaxassislik bo‘yicha rasmiy talablarni albatta tekshirish zarur. (Sertifikatlar ro‘yxati ilova qilinadi).
60111200-Jismoniy madaniyat kasbiy (ijodiy) imtihon natijlari 07.07.2026.pdf
60110500-Tasviriy san'at va muhandislik grafikasi kasbiy (ijodiy) imtihon natijlari_pdf.pdf
60110300-Maxsus pedagogika. Surdotarjimonlik kabiy (ijodiy) imtihon natijlari 07.07.2026.pdf
60110600-Musiqa ta'limi kasbiy (ijodiy) imtihon natijalari.pdf
60111200-Jismoniy madaniyat kasbiy (ijodiy) imtihon natijlari 08.07.2026 yil.pdf
60210400-Dizayn (libos va gazlamalar).pdf
60111200-Jismoniy madaniyat kasbiy (ijodiy) imtihon natijlari 08.07.2026 yil (asosli kechikkan).pdf
60111200-Jismoniy madaniyat (Rus) kasbiy (ijodiy) imtihon natijlari 08.07.2026 yil.pdf
60210400-Dizayn (interyer dizayn).pdf
61010200-Sport faoliyati (voleybol).pdf
61010200-Sport faoliyati (badiiy gimnastika).pdf
60210500-Rangtasvir (dastgohli).pdf
60210800-Amaliy san'at (badiiy kulochilik).pdf
61010200-Sport faoliyati (dzyudo).pdf
61010200-Sport faoliyati (kurash).pdf
61010200-Sport faoliyati (kurash)_kechikkan (asosli).pdf
Bogʻcha pedagoglari uchun dual ta’limga hujjat topshirish boshlandimi? Qabul tartibi qanday?
O‘rta maxsus ma’lumotli maktabgacha ta’lim pedagoglari uchun dual ta’lim shaklidagi bakalavriat dasturiga hujjatlar qabuli 5-iyundan boshlangan. Talabgorlar 25-iyunga qadar ro‘yxatdan o‘tishlari mumkin.
Xabaringiz bor, Vazirlar Mahkamasining “Maktabgacha ta’lim yo‘nalishi bo‘yicha xalqaro tajribalarga mos ravishda tegishli bakalavrlar tayyorlash tizimini joriy etish to‘g‘risida”gi qaror loyihasi muhokamalar portaliga joylangan edi. Unga ko‘ra, maktabgacha ta’lim tashkilotlarida kamida uch yil faoliyat yuritgan o‘rta maxsus ma’lumotli pedagog kadrlar dual ta’lim shaklida maktabgacha taʼlim yoʻnalishi bo‘yicha bakalavriat bosqichida tahsil olishi mumkin bo‘ladi. Mazkur ta’lim shakliga hujjatlar 5-iyundan 25-iyunga qadar qabul qilinadi. Talabgorlar my.uzbmb.uz hamda my.gov.uz platformalari orqali onlayn ro‘yxatdan o‘tadi. Ro‘yxatdan o‘tish jarayonida talabgorlar fanlar majmuasi, ta’lim tili va test topshirish hududini tanlaydi. Maktabgacha ta’lim yo‘nalishi uchun amaldagi fanlar majmuasi biologiya hamda ona tili va adabiyoti fanlaridan iborat. Ta’lim yo‘nalishi esa test sinovlari yakunlangach tanlanadi. Dual ta’lim shaklida o‘qish haftasiga bir kun pedagogika oliy ta’lim muassasasida, besh kun esa maktabgacha ta’lim tashkilotida olib boriladi. Shuningdek, dual ta’lim shaklida maktabgacha ta’lim yo‘nalishi bo‘yicha bakalavrlar tayyorlash 15 ta pedagogika oliy ta’lim muassasasida yo‘lga qo‘yilishi rejalashtirilgan.
| T/r | Oliy ta’lim tashkiloti nomi | Joylashgan hudud |
| 1 | O‘zbekiston milliy pedagogika universiteti | Toshkent shahri |
| 2 | Nukus davlat pedagogika instituti | Qoraqalpog‘iston Respublikasi |
| 3 | Andijon davlat pedagogika instituti | Andijon viloyati |
| 4 | Buxoro davlat pedagogika instituti | Buxoro viloyati |
| 5 | Jizzax davlat pedagogika universiteti | Jizzax viloyati |
| 6 | Shahrisabz davlat pedagogika instituti | Qashqadaryo viloyati |
| 7 | Namangan davlat pedagogika instituti | Namangan viloyati |
| 8 | Navoiy davlat universiteti | Navoiy viloyati |
| 9 | Samarqand davlat pedagogika instituti | Samarqand viloyati |
| 10 | Kattaqo‘rg‘on davlat pedagogika instituti | Samarqand viloyati |
| 11 | Guliston davlat pedagogika instituti | Sirdaryo viloyati |
| 12 | Termiz davlat pedagogika instituti | Surxondaryo viloyati |
| 13 | Chirchiq davlat pedagogika universiteti | Toshkent viloyati |
| 14 | Urganch davlat pedagogika instituti | Xorazm viloyati |
| 15 | Qo‘qon davlat universiteti | Farg‘ona viloyati |
Batafsil: https://talimxabarlari.uz/73088/
2026/2027-o'quv yili uchun davlat granti kvotalari
Oliy ta’lim tashkilotlarining bakalavriatiga o‘qishga qabul qilish tartibi to‘g‘risidagi nizom
Oliy ta’lim tashkilotlarining magistraturasiga o‘qishga qabul qilish tartibi to‘g‘risidagi nizom
ChDPU kunduzgi bakalavr kvota 2026-2027 o'quv yili uchun.pdf
ChDPU kechki bakalavr kvota 2026-2027 yil.pdf
ChDPU kunduzgi magistratura kvota 2026-2027 yil.pdf
ChDPU kechki magistratura kvota 2026-2027 yil.pdf
СHDPU ta’lim yo‘nalishariga 2025/2026 o'quv yili qabulida kirish ballari
Shifr | Mutaxassislik | Imtihon bo‘ladigan asosiy fanlar | Grant | Shartnoma |
Tarix, Ona tili va adabiyoti | Ball 120.7 | Ball 88.6 | ||
Kvota 18 | Kvota 32 | |||
Biologiya, Ona tili va adabiyoti | Ball 102.2 | Ball 79.7 | ||
Kvota 14 | Kvota 61 | |||
Biologiya, Ona tili va adabiyoti | Ball 120.8 | Ball 95.4 | ||
Kvota 20 | Kvota 30 | |||
Biologiya, Ona tili va adabiyoti | Ball 110.0 | Ball 72.3 | ||
Kvota 3 | Kvota 22 | |||
Biologiya, Ona tili va adabiyoti | Ball 105.6 | Ball 78.8 | ||
Kvota 4 | Kvota 21 | |||
Biologiya, Ona tili va adabiyoti | Ball 99.4 | Ball 91.2 | ||
Kvota 13 | Kvota 12 | |||
Kasbiy (ijodiy imtihon), Ona tili va adabiyoti | Ball 79.5 | Ball 58.8 | ||
Kvota 11 | Kvota 1 | |||
Ona tili va adabiyoti, Matematika | Ball 138.2 | Ball 117.5 | ||
Kvota 33 | Kvota 96 | |||
Kasbiy (ijodiy imtihon), Kasbiy (ijodiy imtihon) | Ball 146.5 | Ball 68.2 | ||
Kvota 9 | Kvota 40 | |||
Kasbiy (ijodiy imtihon), Kasbiy (ijodiy imtihon) | Ball 147.3 | Ball 66.1 | ||
Kvota 2 | Kvota 45 | |||
Oʻzbek tili va adabiyoti, Chet tili | Ball 166.1 | Ball 150.7 | ||
Kvota 18 | Kvota 32 | |||
Ingliz tili, Ona tili va adabiyoti | Ball 183.5 | Ball 173.1 | ||
Kvota 12 | Kvota 62 | |||
Nemis tili, Ona tili va adabiyoti | Ball- | Ball- | ||
Kvota- | Kvota- | |||
Tarix, Ona tili va adabiyoti | Ball 155.1 | Ball 107.7 | ||
Kvota 5 | Kvota 21 | |||
Kasbiy (ijodiy imtihon), Kasbiy (ijodiy imtihon) | Ball168.1 | Ball 138.4 | ||
Kvota 51 | Kvota 126 | |||
Fizika, Matematika | Ball 68.2 | Ball 57.5 | ||
Kvota 6 | Kvota 44 | |||
Kasbiy (ijodiy imtihon), Kasbiy (ijodiy imtihon) | Ball 171.9 | Ball 146.6 | ||
Kvota 2 | Kvota 28 | |||
Kasbiy (ijodiy imtihon), Kasbiy (ijodiy imtihon) | Ball157.3 | Ball 123.9 | ||
Kvota4 | Kvota 27 | |||
Tarix, Geografiya | Ball152.1 | Ball 111.0 | ||
Kvota 11 | Kvota 39 | |||
Biologiya, Ona tili va adabiyoti | Ball 122.4 | Ball 75.7 | ||
Kvota 2 | Kvota 48 | |||
Matematika, Chet tili | Ball- | Ball 95.5 | ||
Kvota- | Kvota 25 | |||
Matematika, Chet tili | Ball- | Ball 96.1 | ||
Kvota- | Kvota 50 | |||
Matematika, Chet tili | Ball- | Ball 68.2 | ||
Kvota- | Kvota 25 | |||
Biologiya, Kimyo | Ball 137.9 | Ball 132.1 | ||
Kvota 22 | Kvota 27 | |||
Kimyo, Biologiya | Ball 83.7 | Ball 70.4 | ||
Kvota 9 | Kvota 16 | |||
Kimyo, Matematika | Ball 68.0 | Ball 56.9 | ||
Kvota 16 | Kvota 32 | |||
Geografiya, Matematika | Ball 73.1 | Ball 67.1 | ||
Kvota 26 | Kvota 24 | |||
Fizika, Matematika | Ball 81.0 | Ball 65.0 | ||
Kvota 29 | Kvota 20 | |||
Matematika, Fizika | Ball 143.8 | Ball 120.3 | ||
Kvota 28 | Kvota 19 | |||
Matematika, Fizika | Ball 143.2 | Ball 97.9 | ||
Kvota 15 | Kvota 33 | |||
Matematika, Fizika | Ball 111.4 | Ball 64.3 | ||
Kvota 8 | Kvota 42 | |||
Matematika, Fizika | Ball- | Ball 58.6 | ||
Kvota- | Kvota 25 | |||
Tarix, Chet tili | Ball 145.0 | Ball 109.9 | ||
Kvota 13 | Kvota 37 |
ChDPU da mavjud hamda yangi tashkil etilishi kutilayotgan
ta’lim yo‘nalishlari
RO‘YXATI
№ | Shifr | Ta’lim yo‘nalishi nomi | Ta’lim shakli | |
1 | 60110100 | Pedagogika | kunduzgi |
|
2 | 60110200 | Maktabgacha ta’lim | kunduzgi | kechki |
3 | 60110300 | Maxsus pedagogika: olegofrenopedagogika | kunduzgi |
|
4 | 60110300 | Maxsus pedagogika: surdopedagogika | kunduzgi |
|
5 | 60110300 | Maxsus pedagogika: surdotarjimonlik faoliyati | kunduzgi |
|
6 | 60110300 | Maxsus pedagogika: tiflopedagogika | kunduzgi |
|
7 | 60110300 | Maxsus pedagogika: logopediya | kunduzgi |
|
8 | 60110400 | Boshlang'ich ta’lim | kunduzgi | kechki |
9 | 60110500 | Tasviriy san’at va muhandislik grafikasi | kunduzgi | kechki |
10 | 60110600 | Musiqa ta’limi | kunduzgi | kechki |
11 | 60110700 | O‘zbek tili va adabiyoti | kunduzgi | kechki |
12 | 60110800 | Ona tili va adabiyoti: rus tili | kunduzgi |
|
13 | 60110800 | Ona tili va adabiyoti: tojik tili | kunduzgi |
|
14 | 60110800 | Ona tili va adabiyoti: qozoq tili | kunduzgi |
|
15 | 60110900 | Xorijiy til va adabiyoti: ingliz tili | kunduzgi | kechki |
16 | 60110900 | Xorijiy til va adabiyoti: nemis tili | kunduzgi |
|
17 | 60111100 | Milliy g‘oya, ma’naviyat asoslari va huquq ta’limi | kunduzgi |
|
18 | 60111200 | Jismoniy madaniyat | kunduzgi | kechki |
19 | 60111300 | Texnologik ta’lim | kunduzgi | kechki |
20 | 60210400 | Dizayn: interyer dizayni | kunduzgi |
|
21 | 60210400 | Dizayn: libos va gazlamalar | kunduzgi |
|
22 | 60220300 | Tarix | kunduzgi | kechki |
23 | 60310300 | Psixologiya | kunduzgi |
|
24 | 60410100 | Iqtisodiyot | kunduzgi |
|
25 | 60410800 | Menejment | kunduzgi |
|
26 | 60411000 | Inson resurslarini boshqarish | kunduzgi |
|
27 | 60510100 | Biologiya | kunduzgi | kechki |
28 | 60520200 | Ekologiya va atrof-muhit muhofazasi | kunduzgi |
|
29 | 60530100 | Kimyo | kunduzgi | kechki |
30 | 60530200 | Geografiya | kunduzgi | kechki |
31 | 60530500 | Fizika | kunduzgi | kechki |
32 | 60540100 | Matematika | kunduzgi | kechki |
33 | 60540200 | Amaliy matematika | kunduzgi | kechki |
34 | 60610100 | Axborot tizimlari va texnologiyalari | kunduzgi | kechki |
35 | 60610500 | Sun’iy intellekt | kunduzgi |
|
36 | 61010100 | Turizm va mehmondo‘stlik | kunduzgi | kechki |
№ | Shifr | Kechki ta’lim shakli | ||
1 | 60110200 | Maktabgacha ta’lim |
|
|
2 | 60110400 | Boshlang‘ich ta’lim |
|
|
3 | 60110500 | Tasviriy san’at va muhandislik grafikasi |
|
|
4 | 60110600 | Musiqa ta’limi |
|
|
5 | 60110700 | 0‘zbek tili va adabiyoti |
|
|
6 | 60110900 | Xorijiy til va adabiyoti: ingliz tili |
|
|
7 | 60111200 | Jismoniy madaniyat |
|
|
8 | 60111300 | Texnologik ta’lim |
|
|
9 | 60220300 | Tarix |
|
|
10 | 60510100 | Biologiya |
|
|
11 | 60530100 | Kimyo |
|
|
12 | 60530200 | Geografiya |
|
|
13 | 60530500 | Fizika |
|
|
14 | 60540100 | Matematika |
|
|
15 | 60540200 | Amaliy matematika |
|
|
16 | 60610100 | Axborot tizimlari va texnologiyalari |
|
|
17 | 61010100 | Turizm va mehmondo‘stlik |
|
|
2026/2027 o‘quv yilidan tashkil etilishi rejalashtirilayotga ta’lim yo‘nalishlari RO‘YXATI
T/R | Yangi ochilishi kutilayorgan ta’lim yo‘nalishlar | Ta'lim shakli |
1 | 61010200 - Sport faoliyati: badiiy gimnastika | Kunduzgi/kechki |
2 | 61010200 - Sport faoliyati: kurash | Kunduzgi/kechki |
3 | 61010200 - Sport faoliyati: voleybol | Kunduzgi/kechki |
4 | 61010200 - Sport faoliyati: dzyu-do | Kunduzgi/kechki |
5 | 61010200 - Sport faoliyati: futbol | Kunduzgi/kechki |
6 | 60210500-Rangtasvir: dastgohli | Kunduzgi/kechki |
7 | 60210800-Amaliy san'at: badiiy kulolchilik | Kunduzgi/kechki |
Abituriyentlar my.uzbmb.uz hamda my.gov.uz saytlari orqali onlayn 5-iyundan 25-iyunga qadar (25-iyun kuni ham) test sinovi topshirish uchun ro‘yxatdan o‘tishlari mumkin.
CHDPUda mavjud magistratura mutaxassisliklari
RO‘YXATI
№ | Shifr | Magistratura mutaxassisliklari | Ta’lim shakli | |
1 | 70110101 | Pedagogika nazariyasi va tarixi | kunduzgi |
|
2 | 70110201 | Ta’lim va tarbiya nazariyasi va metodikasi (maktabgacha ta’lim) | kunduzgi | kechki |
3 | 70110301 | Maxsus pedagogika: sirdopedagogika | kunduzgi |
|
4 | 70110401 | Ta’lim va tarbiya nazariyasi va metodikasi (boshlang'ich ta’lim) | kunduzgi | kechki |
5 | 70110501 | Tasviroy san’at | kunduzgi |
|
6 | 70110502 | Muhandislik garfikasi va dizayn nazariyasi | kunduzgi |
|
7 | 70110701 | O‘zbek tili va adabiyoti | kunduzgi |
|
8 | 70110801 | Ona tili va adabiyoti: qozoq tili | kunduzgi |
|
9 | 70110801 | Ona tili va adabiyoti: rus tili | kunduzgi |
|
10 | 70110901 | Xorijiy til va adabiyoti: ingliz tili | kunduzgi | kechki |
11 | 70111101 | Ijtimoiy-gumanitar fanlarni o’qitish metodikasi (Ma’naviyat asoslari) | kunduzgi |
|
12 | 70111102 | Ijtimoiy-gumanitar fanlarni o’qitish metodikasi (huquq ta’limi) | kunduzgi | kechki |
13 | 70111201 | Jismoniy tarbiya va sport mashg’ulotlari nazariyasi va metodikasi | kunduzgi |
|
14 | 70111301 | Ta’lim va tarbiya nazariyasi va metodikasi (texnologik ta’lim) | kunduzgi | kechki |
15 | 70220303 | Ijtimoiy-gumanitar fanlarni o’qitish metodikasi (tarix) | kunduzgi | kechki |
16 | 70310301 | Psixologiya | kunduzgi | kechki |
17 | 70410801 | Menejment | kunduzgi |
|
18 | 70510105 | Aniq va tabiiy fanlarni o‘qitish metodikasi (biologiya) | kunduzgi | kechki |
19 | 70530104 | Aniq va tabiiy fanlarni o‘qitish metodikasi (kimyo) | kunduzgi |
|
20 | 70530203 | Aniq va tabiiy fanlarni o‘qitish metodikasi (geografiya) | kunduzgi |
|
21 | 70530510 | Aniq va tabiiy fanlarni o‘qitish metodikasi (fizika va astranomiya) | kunduzgi |
|
22 | 70540104 | Aniq va tabiiy fanlarni o‘qitish metodikasi (matematika) | kunduzgi |
|
23 | 70610105 | Ta’limda axborot texnologiyalari | kunduzgi |
|
24 | 71010101 | Turizm va mehmondo‘stlik | kunduzgi |
|
Magistraturaga hujjat topshirish har yili 1-iyuldan 30-iyulgacha, ya’ni 30-iyul kuni ham, onlayn tarzda amalga oshirilib kelingan. Arizalar Vazirlikning rasmiy elektron platformasi yoki Yagona interaktiv davlat xizmatlari portali orqali yuboriladi; amaldagi xizmat sahifasida “Magistratura bosqichi uchun ariza yuborish” xizmati ko‘rsatilgan. Ayrim yangiliklar bo’lishi mumkin, bu haqda universitet rasmiy sayti cspu.uz hamda “@tvchdpu2017” telegram kanalida xabar beramiz.
2026/2027 O‘QUV YILI OTMGA QABULIDA ABITURIYENTLAR UCHUN MAVJUD
IMTIYOZLAR
I. Bakalavriatga qabulda asosiy imtiyozlar
№ | Imtiyoz/toifa | Imtiyoz mazmuni | Shart va cheklovlar | Normativ asos |
1 | Yetim bolalar va ota-ona qaramog‘idan mahrum bo‘lganlar | OTMlarga umumiy qabul soniga qo‘shimcha ravishda 1 foizgacha davlat granti ajratiladi. | 25 yoshga to‘lmaganlar uchun; toifa ma’lumotlari vakolatli organlar axborot tizimlari orqali tekshiriladi. | VMQ-578, 1-ilova, 39-band |
2 | “Tarbiyachi” va “Hamshira” respublika tanlovlari g‘oliblari | Mos bakalavriat yo‘nalishlariga tanlovdan tashqari, kirish imtihonlarisiz qo‘shimcha davlat granti asosida qabul qilinadi. | Davlat komissiyasi qarori asosida. | VMQ-578, 1-ilova, 40-band |
3 | “Ijtimoiy reyestr”ga kiritilgan oilalar farzandlari | Davlat granti parametrlariga nisbatan 10 foizgacha qo‘shimcha davlat granti ajratiladi. | Grantga o‘tish balining kamida 80 foizi to‘planishi; imtiyoz ro‘yxatdan o‘tishda tanlangan birinchi yo‘nalishga qo‘llanadi. | VMQ-578, 1-ilova, 41-band; VMQ-35, 29.01.2026 tahriri |
4 | A level va International Baccalaureate sertifikati egalari | A level bo‘yicha B va undan yuqori, IB bo‘yicha 32 va undan yuqori ballga ega abituriyentlar mos yo‘nalishlarga qo‘shimcha ravishda o‘qishga qabul qilinadi. | Bazaviy to‘lov-kontrakt asosida; sertifikat fani kirish imtihoni tarkibida bo‘lishi kerak. | VMQ-578, 1-ilova, 42-band |
5 | SAT sertifikati egalari | SAT bo‘yicha 1200 va undan yuqori natija olgan abituriyentlar mos yo‘nalishlarga qo‘shimcha davlat granti asosida qabul qilinadi. | Sertifikat Agentlikka elektron tarzda yuborilishi kerak. | VMQ-578, 1-ilova, 42-band |
6 | Imtihonsiz qo‘shimcha davlat granti imtiyoziga ega toifalar | Qonunchilikda belgilangan toifalar birinchi tanlangan yo‘nalishga imtihonsiz qo‘shimcha davlat granti asosida qabul qilinadi. | Ta’lim shaklidan qat’i nazar, imtiyoz amal qiladigan doirada qo‘llanadi; xalqaro sport g‘oliblarida sport turi mosligi talab etiladi. | VMQ-578, 1-ilova, 43-band |
7 | Umumta’lim fanlari bo‘yicha milliy/xalqaro sertifikat egalari | B+, B, C+, C darajadagi milliy sertifikatdan mutaxassislik fani uchun foydalanilsa, abituriyent shu fandan test topshirmaydi va sertifikat foiziga mos ball oladi. | Majburiy fan bo‘yicha sertifikat bo‘lsa, ushbu majburiy fandan maksimal ball beriladi. | VMQ-578, 1-ilova, 45-band |
8 | Nogironligi bo‘lgan shaxslar | Alohida qabul parametrlari/reyestr asosida imtiyozli tanlovda ishtirok etadi. | Nogironligi bo‘lgan shaxslar, jumladan ko‘zi ojizlar haqidagi ma’lumotlar Ijtimoiy himoya milliy agentligi axborot tizimidan olinadi. | VMQ-578, 1-ilova, 47-50-bandlar; VMQ-468, so‘rovnoma 3.2-band |
9 | Maqsadli qabul | Maqsadli qabul parametrlari doirasida tanlovda qatnashish imkoniyati beriladi. | Avval maqsadli, so‘ng umumiy tanlov; o‘qishni tugatgach belgilangan hudud/tashkilotda ishlab berish majburiyati bo‘lishi mumkin. | VMQ-578, 1-ilova, 7-bob; PF-81, 24.05.2024 |
10 | Harbiy xizmatchilar farzandlari va harbiy tavsiyanoma egalari | Reyestrdagi toifalar bo‘yicha imtiyozli tanlovda ishtirok etadi. | Mas’ul organlar: Mudofaa vazirligi, IIV, FVV, DXX, Milliy gvardiya va boshqalar. | VMQ-468, 2-ilova, 1, 8, 10-bandlar |
11 | Davlat mukofotlari va maxsus tavsiyanoma egalari | Zulfiya nomidagi Davlat mukofoti, “Mard o‘g‘lon”, “Nihol” mukofoti sohiblari hamda Yoshlar ittifoqi tavsiyanomasi egalari reyestrda ko‘rsatilgan. | Yoshlar ittifoqi tavsiyanomasi pedagogika ta’lim yo‘nalishlariga qo‘llanadi. | VMQ-468, 2-ilova, 3-6-bandlar |
12 | Xalqaro va respublika olimpiadalari, tanlovlar va musobaqalar g‘oliblari | Akademik litsey, kasb-hunar kolleji va umumta’lim maktablari bitiruvchilari uchun imtiyozli toifa sifatida reyestrga kiritilgan. | Imtiyoz turi alohida normativ hujjat va Davlat komissiyasi reyestri bo‘yicha aniqlanadi. | VMQ-468, 2-ilova, 2-band |
Muhim eslatma. Imtiyozlar amalda Davlat komissiyasi tomonidan har yili 1-mayga qadar tasdiqlanadigan yagona reyestr, qabul parametrlari, abituriyentning birinchi tanlovi, minimal o‘tish bali va tegishli elektron reyestrlardagi ma’lumotlar asosida qo‘llanadi. Quyidagi ro‘yxat asosiy imtiyozlarni umumlashtiradi.
II. Olimpiada va maxsus fanlar bo‘yicha imtiyozlar
№ | Imtiyoz/toifa | Imtiyoz mazmuni | Shart va cheklovlar | Normativ asos |
1 | Nufuzli xalqaro olimpiadalar: IMO, IPhO, IChO, IBO, IOI | G‘oliblar davlat OTMlariga test sinovisiz va qo‘shimcha imtihonsiz qabul qilinadigan xalqaro olimpiadalar ro‘yxatiga kiritilgan. | Matematika, fizika, kimyo, biologiya, informatika bo‘yicha nufuzli xalqaro olimpiadalar. | PQ-4306, 03.05.2019, 1-ilova |
2 | Asosiy fan olimpiadasining respublika bosqichi 1–3-o‘rinlari | Ixtisoslik fani bo‘yicha OTMga kirish imtihonlarida maksimal ball olish huquqini beruvchi diplom beriladi. | Diplom 3 yil muddat davomida amal qiladi; elektron reyestr yuritiladi. | VMQ-562, 70-band |
3 | Informatika va axborot texnologiyalari fanidan respublika bosqichi g‘oliblari | Informatika va axborot texnologiyalari bo‘yicha berilgan diplom matematika fanidan maksimal ball olish huquqini beradi. | Ixtisoslik fani sifatida matematika bo‘yicha qo‘llanadi. | VMQ-562, 71-band |
4 | Muhandislik-ixtirochilik olimpiadasi g‘oliblari | Maktab bitiruvchi sinf o‘quvchilari olimpiada yo‘nalishiga mos va turdosh bakalavriat yo‘nalishlariga imtihonsiz qo‘shimcha davlat granti asosida qabul qilinishi mumkin. | Sertifikat 3 yil amal qiladi; yo‘nalishlar ro‘yxati Oliy ta’lim, fan va innovatsiyalar vazirligi tomonidan tasdiqlanadi. | VMQ-562, 46^1–46^3-bandlar; VMQ-578 bilan kiritilgan |
5 | Kimyo va biologiya: OTM talabalari o‘rtasidagi respublika olimpiadasi g‘oliblari | Kimyo va biologiya yo‘nalishlari talabalari o‘rtasida o‘tkaziladigan respublika fan olimpiadasi g‘oliblari tegishli magistratura mutaxassisliklariga davlat granti asosida imtihonsiz qabul qilinadi. | Ajratilgan kvota doirasida; nufuzli xalqaro olimpiada sovrindorlari ham qamrab olinadi. | PQ-4805, 11-band |
6 | Kimyo va biologiya: OTMning o‘z olimpiadasi | Kimyo va biologiya yo‘nalishlarida kadr tayyorlaydigan OTMlar maktab bitiruvchilari o‘rtasida ko‘p bosqichli olimpiada o‘tkazib, 1–3-o‘rinlarni olgan o‘quvchilarni imtihonsiz o‘qishga qabul qilinadi. | OTM mablag‘lari hisobidan; tuman/shahar – viloyat – OTM bosqichlari. | PQ-4805, 11-band |
7 | Informatika va axborot texnologiyalari: OTM talabalari respublika fan olimpiadasi g‘oliblari | Informatika, dasturlash va axborot texnologiyalari sohasidagi respublika fan olimpiadasi g‘oliblari tegishli magistratura yo‘nalishlariga davlat granti asosida imtihonsiz qabul qilinadi. | Ajratilgan kvota doirasida; nufuzli xalqaro olimpiada sovrindorlari ham qamrab olinadi. | PQ-4851, 12-band |
8 | Informatika va axborot texnologiyalari: OTMning o‘z olimpiadasi | Maktab bitiruvchilari o‘rtasida ko‘p bosqichli “Informatika va axborot texnologiyalari” olimpiadasida 1–3-o‘rin olganlar imtihonsiz o‘qishga qabul qilinishi mumkin. | Birinchi o‘quv yili to‘lovi OTM mablag‘lari hisobidan amalga oshiriladi. | PQ-4851, 12-band |
9 | Fizika: OTM talabalari respublika fan olimpiadasi g‘oliblari | “Fizika”, “Biotibbiyot fizikasi”, “Fizika va astronomiya” kabi bakalavriat yo‘nalishlari talabalari o‘rtasidagi respublika fan olimpiadasi g‘oliblari magistraturaga davlat granti asosida qabul qilinadi. | Qabul parametrlardan tashqari; fizika bo‘yicha nufuzli xalqaro olimpiada sovrindorlari ham qamrab olinadi. | PQ-5032, 8-band |
10 | Fizika: OTMning o‘z olimpiadasi | Fizika yo‘nalishida kadr tayyorlaydigan OTMlar maktab bitiruvchilari o‘rtasida fizika bo‘yicha ko‘p bosqichli olimpiada o‘tkazib, 1–3-o‘rinlarni olgan o‘quvchilarni OTM mablag‘i hisobidan o‘qishga qabul qilishi belgilangan. | 2022/2023-o‘quv yilidan; tuman – viloyat/shahar – OTM bosqichlari. | PQ-5032 ijrosi bo‘yicha 2022/2023 bandi |
Amaliy tavsiya: abituriyentlar imtiyozdan foydalanish uchun ro‘yxatdan o‘tishda tegishli hujjat rekvizitlari to‘g‘ri kiritilganini, imtiyoz tegishli elektron reyestrda mavjudligini va imtiyoz aynan tanlangan yo‘nalish/fan majmuasiga mos kelishini oldindan tekshirishi lozim.
Foydalanilgan asosiy manbalar
1. O‘zbekiston Respublikasi Vazirlar Mahkamasining 2025-yil 13-sentabrdagi 578-son qarori. https://lex.uz/uz/docs/-7726569
2. O‘zbekiston Respublikasi Vazirlar Mahkamasining 2019-yil 7-iyundagi 468-son qarori. https://lex.uz/docs/-4368106
3. O‘zbekiston Respublikasi Vazirlar Mahkamasining 2021-yil 9-sentabrdagi 562-son qarori. https://lex.uz/mact/-5621189
4. O‘zbekiston Respublikasi Prezidentining 2019-yil 3-maydagi PQ-4306-son qarori. https://lex.uz/acts/-4320713
5. O‘zbekiston Respublikasi Prezidentining 2020-yil 12-avgustdagi PQ-4805-son qarori. https://lex.uz/docs/-4945470
6. O‘zbekiston Respublikasi Prezidentining 2020-yil 6-oktabrdagi PQ-4851-son qarori. https://lex.uz/docs/5032128
7. O‘zbekiston Respublikasi Prezidentining 2021-yil 19-martdagi PQ-5032-son qarori. https://lex.uz/docs/5338558
TEXNIKUM BITIRUVCHILARINI OLIY TA’LIM MUASSASALARIGA QABUL QILISH TARTIBI
Me’yoriy-huquqiy hujjatlar asosida tayyorlangan ma’lumotnoma
Qisqa xulosa: texnikumda o‘rta maxsus ta’lim dasturlarini muvaffaqiyatli tamomlagan bitiruvchilar o‘z sohasiga mos bakalavriat ta’lim yo‘nalishlari bo‘yicha kirish imtihonlarisiz, yakka tartibdagi suhbat orqali OTMning 2-bosqichidan to‘lov-kontrakt asosida o‘qishni davom ettirish huquqiga ega. |
1. Umumiy tartib va asosiy huquq
Texnikum bitiruvchilarining oliy ta’lim muassasalariga qabul qilinishi umumiy abituriyentlar tartibidan farq qiladi. Bunda alohida toifadagi bitiruvchilar uchun kirish imtihonlarisiz, suhbat asosida qabul qilish mexanizmi belgilangan.
Prezidentning 2019-yil 6-sentabrdagi PF–5812-son Farmoni 3-band “d” kichik bandiga muvofiq, o‘rta maxsus ta’lim dasturlarini muvaffaqiyatli tamomlagan bitiruvchilar o‘z sohasiga mos bakalavriat ta’lim yo‘nalishlari bo‘yicha kirish imtihonlarisiz, yakka tartibdagi suhbat orqali oliy ta’lim muassasasining 2-bosqichidan o‘qishni davom ettirishi mumkin.
Ushbu tartibni amalga oshirish mexanizmi Vazirlar Mahkamasining 2022-yil 11-yanvardagi 17-son qarori bilan tasdiqlangan Nizomda batafsil belgilangan.
2. “Muvaffaqiyatli tamomlagan” bitiruvchi mezonlari
Mezon | Talab mazmuni |
Baholar tarkibi | Texnikumdagi butun o‘qish davrida semestr yakunlari bo‘yicha baholari faqat “5” va “4” bo‘lishi lozim. |
“5” baholar ulushi | Umumiy baholarning kamida 50 foizi “5” bo‘lishi kerak. |
Tibbiyot yo‘nalishlari uchun alohida talab | Tibbiyot oliy ta’lim muassasalariga kirishda baholarning kamida 85 foizi “5” bo‘lishi talab etiladi. |
Muddat | Mazkur tartib texnikumni tamomlagan yildan boshlab 2 yil mobaynida amal qiladi. |
Agar bitiruvchining baholari yuqoridagi mezonlarga mos kelmasa, texnikumni bitirganiga 2 yildan oshgan bo‘lsa yoki tanlangan bakalavriat yo‘nalishi texnikumdagi mutaxassisligiga mos kelmasa, u OTMga umumiy tartibda hujjat topshiradi.
3. Qabul jarayonining bosqichlari
Bosqich | Muddat | Amalga oshiriladigan ishlar |
1-bosqich | 5-iyul – 25-iyul | Bitiruvchi Oliy ta’lim, fan va innovatsiyalar vazirligining rasmiy elektron tizimi orqali onlayn ro‘yxatdan o‘tadi. |
2-bosqich | 5-avgustgacha | OTM qabul komissiyasi yuklangan hujjatlarni tekshiradi va natijani bitiruvchining shaxsiy kabineti orqali ma’lum qiladi. |
3-bosqich | Suhbatdan oldin | OTM rektori har bir bakalavriat yo‘nalishi bo‘yicha kamida 9 nafar a’zodan iborat Suhbat komissiyasini tuzadi. |
4-bosqich | 10-avgust – 25-avgust | Bitiruvchilar bilan yakka tartibdagi suhbat o‘tkaziladi. Suhbat sanasi OTM rasmiy saytida kamida bir hafta oldin e’lon qilinadi. |
5-bosqich | Suhbat yakunidan keyin 1 kun muddatda | Talabalikka tavsiya etilganlar ro‘yxati OTM rasmiy saytida e’lon qilinadi. |
6-bosqich | Kontrakt shartlari bajarilgach | Bitiruvchi OTM rektorining buyrug‘i bilan bakalavriatning 2-bosqichiga talabalikka qabul qilinadi. |
4. Onlayn ro‘yxatdan o‘tishda taqdim etiladigan hujjatlar
Hujjat nomi | Izoh |
Pasport yoki ID-karta nusxasi | Shaxsni tasdiqlovchi hujjat sifatida taqdim etiladi. |
Texnikumni bitirganlik hujjati | Diplom va unga ilova nusxasi yuklanadi. |
5. Suhbat tartibi va baholash yo‘nalishlari
Suhbat jarayonida bitiruvchiga jami 4 ta savol beriladi. Savollar bitiruvchining tanlangan yo‘nalishga tayyorgarligi, kasbiy bilimlari, motivatsiyasi va shaxsiy-kasbiy sifatlarini aniqlashga qaratiladi.
Suhbat yo‘nalishi | Baholanadigan mazmun |
Sohadagi islohotlar | Mamlakatda tanlangan soha bo‘yicha amalga oshirilayotgan islohotlarni tushunishi. |
Motivatsiya | Tanlangan bakalavriat yo‘nalishiga qiziqishi va kasb mohiyatini anglab yetgani. |
Shaxsiy-kasbiy sifatlar | Intizom, mas’uliyat, mustaqil qaror qabul qilish, ijodkorlik va o‘z ustida ishlash qobiliyati. |
Kasbiy bilim va ko‘nikmalar | Tanlangan yo‘nalish bo‘yicha nazariy bilim va amaliy ko‘nikmalar mavjudligi. |
6. Texnikum bitiruvchilari uchun asosiy imtiyozlar
Imtiyoz | Mazmuni | Huquqiy asos |
Kirish imtihonlarisiz qabul | Bitiruvchi test sinovlarisiz, yakka tartibdagi suhbat orqali qabul qilinadi. | PF–5812-son Farmon; VM 17-son qaror bilan tasdiqlangan Nizom. |
2-bosqichdan o‘qishni davom ettirish | Bakalavriatning 1-kursidan emas, bevosita 2-bosqichidan o‘qishni boshlaydi. | VM 17-son qaror bilan tasdiqlangan Nizom. |
O‘z sohasiga mos yo‘nalishga kirish | Texnikumdagi mutaxassisligiga mos bakalavriat yo‘nalishini tanlaydi. | VM 17-son qaror bilan tasdiqlangan Nizom. |
Suhbat orqali baholanish | Umumiy test sinovi emas, 4 yo‘nalish bo‘yicha yakka tartibdagi suhbat o‘tkaziladi. | VM 17-son qaror bilan tasdiqlangan Nizom. |
Test to‘lovi masalasi | Imtihonlarsiz talabalikka tavsiya etiladigan abituriyentlardan test sinovi uchun to‘lov undirilmasligi mumkinligi qabul xizmatlarida ko‘rsatiladi. | BMB qabul xizmatlari va amaldagi qabul tartiblari. |
7. Qaysi hollarda bitiruvchi umumiy tartibda kiradi ?
Holat | Natija |
Baholari “5” va “4” talabiga javob bermasa | Suhbat asosidagi imtiyozdan foydalana olmaydi, umumiy tartibda test topshiradi. |
Baholarning kamida 50 foizi “5” bo‘lmasa | Umumiy abituriyentlar kabi hujjat topshiradi. |
Tibbiyot yo‘nalishlari uchun “5” baholar 85 foizdan kam bo‘lsa | Mazkur alohida tartib asosida qabul qilinmaydi. |
Texnikumni bitirganiga 2 yildan oshgan bo‘lsa | Umumiy tartibda kiradi. |
Sohasiga mos bo‘lmagan bakalavriat yo‘nalishini tanlasa | Suhbat asosidagi 2-bosqichga qabul tartibi qo‘llanmaydi. |
Hujjatlar qalbakiligi aniqlansa | Suhbatdan chetlashtiriladi yoki talabalikka qabul qilinganidan keyin aniqlansa, talabalikdan chiqariladi. |
8. Umumiy tartibda kirish bo‘yicha eslatma
Agar bitiruvchi yuqoridagi mezonlarga javob bermasa, u oliy ta’lim muassasalariga qabulning umumiy tartibida ishtirok etadi. Umumiy tartibda abituriyentlar ro‘yxatdan o‘tadi, test fanlari, til va hududni tanlaydi, test sinovlaridan so‘ng esa oliy ta’lim muassasasi, ta’lim yo‘nalishi va ta’lim shaklini tanlash bosqichida ishtirok etadi.
9. Me’yoriy-huquqiy asoslar
1. O‘zbekiston Respublikasi Prezidentining 2019-yil 6-sentabrdagi PF–5812-son Farmoni — professional ta’lim tizimini yanada takomillashtirishga doir hujjat. Asosiy norma: 3-band “d” kichik bandi.
2. O‘zbekiston Respublikasi Vazirlar Mahkamasining 2022-yil 11-yanvardagi 17-son qarori — texnikumlarni muvaffaqiyatli tamomlagan bitiruvchilarni OTM bakalavriat ta’lim yo‘nalishlariga suhbat asosida 2-bosqichdan o‘qishga qabul qilish tartibini belgilovchi Nizom.
3. O‘zbekiston Respublikasi Vazirlar Mahkamasining 2025-yil 13-sentabrdagi 578-son qarori — oliy ta’lim muassasalariga qabul jarayonining umumiy tartiblarini belgilovchi hujjatlardan biri.
4. Bilim va malakalarni baholash agentligi hamda Oliy ta’lim, fan va innovatsiyalar vazirligining qabulga oid amaldagi elektron xizmatlari va rasmiy axborotlari.
10. Yakuniy xulosa
Texnikum bitiruvchilari uchun oliy ta’lim muassasalariga kirishdagi asosiy imtiyoz — kirish imtihonlarisiz, yakka tartibdagi suhbat asosida, o‘z sohasiga mos bakalavriat ta’lim yo‘nalishining 2-bosqichidan to‘lov-kontrakt asosida o‘qishni davom ettirish huquqidir. Ushbu imtiyozdan foydalanish uchun bitiruvchi texnikumni yuqori natijalar bilan tamomlagan, baholari “5” va “4”dan iborat, kamida 50 foizi “5” bo‘lgan, shuningdek texnikumni bitirganidan keyin 2 yil ichida hujjat topshirgan bo‘lishi lozim.
60110300-Maxsus pedagogika surdotarjimonlik faoliyati.pdf
60110600-Musiqa ta’limi (o'zbek).pdf
60110600-Musiqa ta’limi (rus).pdf
60111200-Jismoniy madaniyat (o'zbek).pdf
60111200-Jismoniy madaniyat (rus).pdf
60111200-Jismoniy madaniyat imkoniyati cheklangan.pdf
60111500-Tasviriy san’at va muhandislik grafikasi.pdf
60210500-Rangtasvir dastgohli.pdf
60210800-Amaliy san'at badiiy kulolchilik.pdf
61010200 - Sport faoliyati badiiy gimnastika.pdf
61010200 - Sport faoliyati dzyudo.pdf
61010200 - Sport faoliyati futbol.pdf
61010200 - Sport faoliyati kurash.pdf
61010200 - Sport faoliyati voleybol.pdf
Biologiya dastur_ko'zi ojiz abituriyentlar uchun.pdf
Fizika dastur_ko'zi ojiz abituriyentlar uchun.pdf
Kimyo dastur_ko'zi ojiz abituriyentlar uchun.pdf
Geografiya dastur_ko'zi ojiz abituriyentlar uchun.pdf
Huquqshunoslik dastur_ko'zi ojiz abituriyentlar uchun.pdf
Matematika dastur_ko'zi ojiz abituriyentlar uchun.pdf
Chet tili (ingliz, Fransuz, Nemis) dastur_ko'zi ojiz abituriyentlar uchun.pdf
Ona tili (o'zbek tili) dastur_ko'zi ojiz abituriyentlar uchun.pdf
Tarix dastur_ko'zi ojiz abituriyentlar uchun.pdf
Matematika (MAJBURIY) dastur_ko'zi ojiz abituriyentlar uchun.pdf
O'zbekiston tarixi (MAJBURIY) dastur_ko'zi ojiz abituriyentlar uchun.pdf
O'zbek tili va Adabiyoti dastur_ko'zi ojiz abituriyentlar uchun.pdf
Программа и критерии оценок Родной язык (Русский язык) Для незрячих.pdf
Программа и критерии оценок Русский язык и литература Для незрячих.pdf
61010200 - Sport faoliyati dzyudo.pdfChDPU Kasbiy (ijodiy) imtihon o'tkazilish grafigi.docx.pdf
ChDPU Kasbiy (ijodiy) imtihon o'tkaziladigan manzillar.pdf
60210400-Dizayn interyer dizayni.pdf
60210400-Dizayn libos va gazlamala.pdf
60210500-Rangtasvir dastgohli.pdf
60210800-Amaliy san'at badiiy kulolchilik.pdf
61010200 - Sport faoliyati kurash.pdf
61010200-Sport faoliyati badiiy gimnastika.pdf
60111200 – Jismoniy madaniyat (rus).pdf
61010200 - Sport faoliyati voleybol..pdf
61010200 - Sport faoliyati futbol..pdf
61010200 - Sport faoliyati dzyudo.pdf
60110300 Maxsus pedagogika surdotarjimonlik..pdf
60111200 – Jismoniy madaniyat (o'zbek)..pdf
60111500_Tasviriy_san’at_va_muhandislik_grafikasi..pdf