Informatika o‘qitish metodikasi fanini loyihalab o‘qitishda raqamli texnologiyalardan foydalanish metodikasi
QR kod:
Yuklab olishlar
Mazkur monografiyada “Informatika o‘qitish metodikasi” fanini loyihalab o‘qitishda raqamli texnologiyalardan samarali foydalanish metodikasini takomillashtirish modeli ishlab chiqilgan hamda uning ilmiy-nazariy asoslari yoritib berilgan. Ishlab chiqilgan modelning maqsadli, mazmunli, texnologik-faoliyatni amalga oshirish va natijaviy-baholovchi komponentlari tizimli ravishda asoslangan bo‘lib, ularning o‘zaro integratsiyasi informatika fanini zamonaviy raqamli muhitda o‘qitish samaradorligini ta’minlashga xizmat qiladi.
Model doirasida o‘quv jarayonini raqamli ta’lim platformalari, dasturlash muhitlari, virtual laboratoriyalar, bulutli texnologiyalar va interaktiv vositalar asosida loyihalash mexanizmlari aniqlashtirilgan. Shuningdek, talabalarning algoritmik tafakkurini rivojlantirish, dasturlash kompetensiyalarini shakllantirish, axborot xavfsizligi madaniyatini oshirish hamda raqamli muhitda muammoli vaziyatlarni hal etish ko‘nikmalarini rivojlantirish metodikasi ishlab chiqilgan.
Ushbu yondashuv talabalarning raqamli kompetentligini, mustaqil ta’lim olish, o‘z-o‘zini nazorat qilish va refleksiya qilish ko‘nikmalarini rivojlantirishga xizmat qiladi. Natijada, “Informatika o‘qitish metodikasi” fanini loyihalab o‘qitishda raqamli texnologiyalar asosida moslashuvchan, interaktiv va kompetensiyaviy yondashuvga asoslangan samarali ta’lim muhiti shakllantiriladi.
Monografiyada keltirilgan ilmiy-metodik tavsiyalar pedagogika oliy ta’lim muassasalarida informatika fanini zamonaviy raqamli texnologiyalar asosida tashkil etish, o‘quv jarayonini optimallashtirish va bo‘lajak informatika o‘qituvchilarining kasbiy kompetentligini rivojlantirishga xizmat qiladi.
