“Innovatsion pedagogika: tabiiy va aniq fanlarni o‘qitishda global tajriba va mahalliy yechimlar” mavzusida xalqaro ilmiy-amaliy anjuman

AXBOROT XATI

Urganch davlat pedagogika instituti tomonidan 2026-yil 12-oktabr kuni “Innovatsion pedagogika: tabiiy va aniq fanlarni o‘qitishda global tajriba va mahalliy yechimlar” mavzusida xalqaro ilmiy-amaliy anjuman o‘tkaziladi.

Anjuman Urganch davlat pedagogika instituti bosh binosining anjumanlar zalida onlayn va oflayn shaklda tashkil etiladi.

Anjumanning maqsadi tabiiy va aniq fanlarni o‘qitishning dolzarb muammolarini aniqlash, ularga innovatsion yechimlar topish, ta’lim jarayonida zamonaviy pedagogik va raqamli texnologiyalardan foydalanish, xalqaro tajribani o‘rganish hamda mutaxassislik fanlarini o‘qitish metodikasini takomillashtirishdan iborat.

ANJUMANNING ILMIY YO‘NALISHLARI:

1. Tabiiy va aniq fanlarni o‘qitishda an’anaviy metodlarning samaradorligi.
2. Innovatsion pedagogik yondashuvlarni, jumladan STEAM, CLIL, muammoli ta’lim va loyiha asosida o‘qitishni o‘quv jarayoniga joriy etish.
3. Fanlararo integratsiya va ijodiy fikrlashni rivojlantirish.
4. Aniq fanlarni o‘qitishda zamonaviy yondashuvlar.

Anjuman tillari: o‘zbek, rus va ingliz tillari.

Maqolalarni qabul qilishning so‘nggi muddati: 2026-yil 8-oktabr.

ANJUMAN MATERIALLARIGA QO‘YILADIGAN TALABLAR:

Maqolada annotatsiya va kalit so‘zlar uch tilda keltirilishi lozim. Maqola matni A4 formatda, Times New Roman shriftida, 12 o‘lchamda, 1,15 intervalda va 3–6 bet hajmda tayyorlanishi kerak.

MUROJAAT UCHUN:

1-sho‘ba — Kamiljonova Gulruh: +998 90 433 17 88

2- va 3-sho‘balar — Ibadullayev G‘ayrat: +998 93 555 42 63

4-sho‘ba — Sapayev Sanjar: +998 94 112 73 07
Telegram: @Sancho_307

Universitetimizdagi mustaqil izlanuvchilar, tadqiqotchilar, doktorantlar va mutaxassislarni mazkur xalqaro ilmiy-amaliy anjumanda faol ishtirok etishga taklif etamiz.