Jismoniy madaniyat fakultetida yetakchi tashkilot himoyasi bo'lib o'tdi

2026 yil 1-may kuni ANDIJON DAVLAT UNIVERSITETI mustaqil tadqiqotchisi UMURZАQOV UTKIR KOMILOVICHning "UYUSHMАGАN YOSHLАR FАOLLIGINI OSHIRISHDА BOʻLАJАK JISMONIY TАRBIYA VА SPORT MUTАXАSSISLАRI FАOLIYATINI TАKOMILLАSHTIRISH" mavzusida 13.00.01 – Pedagogika nazariyasi. Pedagogik taʼlimotlar tarixi ixtisosligi bo'yicha Pedagogika fanlari boʻyicha falsafa doktori (PhD) dissertatsiyasining yetakchi tashkilot himoyasi o'tkazildi.
 

Dissertatsiya mavzusining dolzarbligi va zarurati. Dunyoda kechayotgan murakkab globallashuv hamda integratsiya jarayonlari yuqori darajaga yetgan bir paytda yoshlar tarbiyasiga har tomonlama xavf soluvchi kuchlar oqimi xam kun sayin ortib bormoqda. Ularning ta’sir etish vositalari, usul va koʻrinishlari ham zamonaviy tus olmoqda. Shuning uchun yoshlarni yod gʻoyalar ta’siridan asrabavaylash, har tomonlama intelektual shaxs qilib tarbiyalash umummilliy masala boʻlib qolmoqda. Yoshlar tarbiyasida eng katta omil boʻlib xizmat qiluvchi tizim sifatida mahallalarda uyushmagan yoshlarni komil inson qilib tarbiyalashda oliy ta’lim muassasalari mahalla institutlarining faoliyatlarini integratsiyalash boʻyicha vertikal tizimli dasturlar olib borish zaruriyati yuzaga kelmoqda. 
Tadqiqotning maqsadi mahallalarda uyushmagan yoshlarning jismoniy faolligini oshirish orqali boʻlajak jismoniy tarbiya va sport mutaxassislari faoliyatini takomillashtirish boʻyicha taklif va tavsiyalar ishlab chiqishdan iborat.

Tadqiqotning vazifalari: mahallalarda uyushmagan yoshlarni jismoniy tayyorgarligini oshirish uchun voleybolga asoslangan sport sogʻlomlashtirish mashgʻulotlarida aholining jismoniy tayyorgarlik darajasida belgilangan testlar bilan integratsiyalashtirilgan maxsus mashqlar kompleksini ishlab chiqish;

uyushmagan yoshlarni voleybol boʻyicha mahallalararo musobaqalarga tayyorlashda texnik bazasini shakllantirishga oid gamifikatsion maxsus dastur yaratish;

boʻlajak jismoniy tarbiya va sport mutaxassislari ta’limini mahalla institutlarining sport sogʻlomlashtirish faoliyatiga oid integratsiyalashgan maxsus kurs ishlab chiqish;

boʻlajak jismoniy tarbiya va sport mutaxassislarini kompetensiyaviy yondashuv asosida mahallalarda uyushmagan yoshlar bilan kasbiy faoliyatga tayyorlashni takomillashtirishga oid modelini ishlab chiqish.

Tadqiqot obyekti sifatida Oliy ta’lim muassasalarining jismoniy tarbiya va sport yoʻnalishi talabalarining mahallalarda uyushmagan yoshlar bilan sport sogʻlomlashtirish mashgʻulotlar jarayoni olingan.

Tadqiqotning predmetini uyushmagan yoshlar faolligini oshirishda boʻlajak jismoniy tarbiya va sport mutaxassislari faoliyatini takomillashtirishda qoʻllaniladigan vosita va uslublar tashkil etadi.

Tadqiqot usullari. Ilmiy uslubiy adabiyotlar tahlili, nazariy qiyosiy tahlil, anketa soʻrovnomasi, pedagogik kuzatish, suhbat, taqqoslash, pedagogik tajriba, matematik statistika usullaridan foydalanilgan.

Tadqiqotning ilmiy yangiligi: mahallalarda jismoniy tarbiya va ommaviy sport ishlarini samaradorligini oshirish uchun uyushmagan yoshlar bilan voleybolga asoslangan sport sogʻlomlashtirish mashgʻulotlarini jismoniy tayyorgarlik darajasida belgilangan maxsus testlar bilan integratsiyalashtirilgan maxsus jismoniy mashqlar, “Archasimon” yugurish, qumli maydonda ikki tizzani koʻkrakka tortib sakrash, yuk mashina balonini arrqonga bogʻlab tortib yurish, vertikal narvonda osilib xarakatlanish, sport va ekoturizm mashgʻulotlar kompleksini ishlab chiqish hisobiga uyushmagan yoshlarning jismoniy yuklamalari takomillashgan.