KORRUPSIYA KELAJAKKA TAHDID

Joriy yilda mamlakatimizda korrupsiyaga qarshi keskin kurash olib boriladi. Bu saʼy-harakatdan maqsad jamiyatni poraxoʻrlik illatidan tozalash, sogʻlom muhitni muhofaza qilish, ayniqsa yoshlarni bu holatlardan himoya qilishdan iborat.

Universitetda “Korrupsiyasiz soha” mavzusida oʻtkazilgan tadbirda bu haqda atroflicha soʻz yuritildi.

Universitet korrupsiyaga qarshi kurashish “Komplayens-nazorat” tizimini boshqarish boʻlimi boshligʻi A.B. Jo'ravayev, Prezidentimizning 2025-yil 30-dekabrdagi “Oʻzbekiston Respublikasida korrupsiyaning oldini olish va unga qarshi kurashish tizimini yanada takomillashtirish toʻgʻrisida”gi PF-270-son farmoni mazmun-mohiyati haqida tushuncha berdi.

Tadbirda universitet korrupsiyaga qarshi kurashish “Komplayens-nazorat” tizimini boshqarish boʻlimi bosh mutaxassisi M.F.Sultonov Yoshlar bilan ishlash, ma’naviyat va ma’rifat bo‘limi boshlig‘i J.M. Yursinboyev, profilaktika inspektori, kapitan J.K. Atadjanovlar, taʼlim tizimidagi oʻzgarishlar, hujjatlarni yuritish tartibi, sohada amalga oshirilayotgan raqamlashtirish jarayonlarining mohiyati haqida soʻz yuritdilar. Shuningdek Tadbirda Professor-o‘qituvchilar va rahbariy hodimlar fakultet dekanlari va dekan o‘rinbosarlari ishtirok etishdi.

Muloqot davomida muhim masalalar muhokama qilindi. Ishtirokchilarni qiziqtirgan savollarga javob berildi.

Uchrashuv davomida korrupsiyaga qarshi kurashishning samarali mexanizmlari, tizimda shaffoflikni ta’minlash, manfaatlar to‘qnashuvining oldini olish bo‘yicha amaliy tavsiyalar berildi.