Axborot resurs markazi

Chirchiq davlat pedagogika universiteti Axborot-resurs markazi professor-o‘qituvchilar, xodimlar va talabalar uchun milliy va xorijiy bosma, elektron hamda audiovizual axborotlarni taqdim etadi. ARM faoliyati insonparvarlik va erkinlikka asoslangan bo‘lib, barcha foydalanuvchilarga ochiq.

Rahbarga murojaat yo'llash

Universitet Axborot-resurs markazi 5 ta binoda joylashgan. ARM fondi 182 820 nusxada adabiyotlar mavjud bo`lib, shulardan darslik 52 767, o`quv-uslubiy qo`llanma 72 875, badiiy adabiyotlar 34 067, boshqa adabiyotlar 23 111 nusxada va boshqa turdagi adabiyotlardan iborat.

Axborot-resurs markazi moddiy-texnika bazasining holati: o`quv zallari, fondlarni saqlash joylari, kompyuter zallarining talablariga mos holatda jihozlar mavjud, yangi va yumshoq mebellar bilan ta`minlangan stol-stul, kitob va katalog, javonlari, sovutish vositalari (konditsioner) hamda boshqa jihozlar bilan ta`minlangan.

Elektron o`quv zalida umumiy 121 ta kompyuter lokal internet tarmog`iga ulangan. Minvuz-3 tas-ix 1 Giggabit/s mir. 600 Megabit/sek. WI-FI zonasi mavjud. “Scopus”, “Web of Ssiense”, “EBSCO”,”link.springer”, “library.ru” va boshqa chet el ma’lumotlar bazasidan foydalanish yo`lga qo`yilgan. Chet el ma’lumotlari bazasidan talabalar va professor-o‘qituvchilar faol foydalanmoqdalar.

Universitet huzurida faoliyat olib borayotgan Ilmiy kengashlarda himoya qilingan dissertatsiya ishlari va avtoreferatlar belgilangan talablar asosida ro`yxatdan o`tkazilgan. Jumladan, Axborot-resurs markaziga kelgan ilmiy izlanuvchilarga xozirga qadar 430 ta reеstr raqam berilgan.

Oliy ta’lim fan va innovatsiyalar vazirligi tomonidan yaratilgan “UNILBRARY” yagona elektron platformasiga o`quv adabiyotlar 1448 ta, ilmiy adabiyotlar 275 ta va 360 ta avtoreferatlar muntazam joylab kelinmoqda.

Bugungi kunda universitetda ilmiy izlanuvchilar uchun webofscience.com, sciencedirect.com va link.springer.com xalqaro ilmiy ma’lumotlar bazalaridan foydalanish imkoniyati mavjud bo`lib ilmiy faoliyat bilan shug`ullanayotgan izlanuvchilar tomonidan foydalanilmoqda.