Ochiq ma’ruza — Maxsus pedagogika kafedrasi

     Maxsus pedagogika kafedrasi katta o'qituvchisi, p.f.f.d. (PhD) Ozodaxon Ishmatova tomonidan “Kлассификация речевых нарушений"  mavzusida ochiq ma’ruza darsi tashkil etildi.
     Mazkur ochiq ma’ruza davomida nutq buzilishlarining tasnifi, ularning kelib chiqish omillari, klinik-pedagogik xususiyatlari hamda logopedik amaliyotdagi ahamiyati keng yoritib berildi. Mashg‘ulot jarayonida mavzu nafaqat nazariy jihatdan tushuntirildi, balki interfaol metodlar, amaliy topshiriqlar, savol-javoblar va jamoaviy ishlash usullari orqali yanada boyitildi.   
     SI ko'magida jarayonni jozibali talqin etishga zamin yaratildi. Talabalar faol ishtirok etib, mavzu yuzasidan o‘z fikr-mulohazalarini bildirdilar, nutq buzilishlarining turlari va ularni farqlash mezonlari bo‘yicha amaliy mashqlarni bajardilar. Mashg‘ulot davomida talabalar kichik guruhlarga bo‘linib ishladilar, taqdimotlar, muhokamalar va ijodiy topshiriqlar orqali mavzuni chuqurroq o‘zlashtirdilar.
     Dars jarayonida nutq buzilishlarini tasniflashga oid ilmiy yondashuvlar slayd taqdimotlari asosida tushuntirildi, ayrim holatlar misol tariqasida tahlil qilindi. Talabalar tomonidan berilgan savollarga atroflicha javob qaytarildi hamda mavzuning amaliy ahamiyati alohida ta’kidlandi. Ochiq ma’ruza jarayonida tinglovchilarning faolligi, jamoaviy ishlardagi ishtiroki va mavzuga bo‘lgan qiziqishi yuqori bo‘ldi.
     Mashg‘ulot yakunida mavzu yuzasidan umumiy xulosalar chiqarildi, talabalar bilimlari mustahkamlandi va kelgusida logopedik faoliyatda nutq buzilishlarini to‘g‘ri aniqlash hamda tasniflash muhim ahamiyat kasb etishi ta’kidlandi. Ochiq ma’ruza mazmunan boy, interfaol va samarali tarzda tashkil etilgani bilan ishtirokchilarda ijobiy taassurot qoldirdi.

Universitet Axborot xizmati