Tavsif:Mazkur o‘quv qo‘llanma yoshlarda jamiyat taraqqiyotining g‘oyaviy asoslarini teran idrok etib, nafaqat o‘z huquq va manfaatlarini anglashni, ayni paytda barcha fuqarolar oldidagi mas’uliyatni, inson sha’ni, qadru qiymati, huquq va erkinliklari hamda manfaatlarini oliy qadriyat sifatida tan olish va e’tirof etish madaniyatini oshirishga qaratilgan. Unda ko‘p millatli jamiyatimizda millatlararo munosabatlarning ilmiy-amaliy masalalari va rivojlanish xususiyatlari, bu boradagi dolzarb muammo va vazifalar mohiyati yoritilgan.
Qo‘llanma O‘zbekiston Respublikasida faoliyat olib borayotgan qator oliy o‘quv yurtlaridagi Milliy g‘oya, ma’naviyat asoslari va huquq ta’limi ta’lim yo‘nalishi o‘quv rejasiga kiritilgan “Milliy g‘oya va millatlararo munosabatlar” fanini chuqur o‘rganishga mo‘ljallangan bo‘lib, undan barcha talabalar, professor-o‘qituvchilar, tadqiqotchilar hamda soha mutaxassislari o‘z faoliyatlarida foydalanishlari mumkin.
