🎓 ChDPUda xalqaro yozgi maktabning 3-kuni ilmiy-amaliy mashg‘ulotlarga boy tarzda o‘tdi
Chirchiq davlat pedagogika universitetida Germaniyaning Mannhaym shahrida joylashgan Laybnits- Nemis tili ilmiy-tadqiqot instituti (Leibniz-Institut für Deutsche Sprache, IDS) bilan hamkorlikda o‘tkazilayotgan xalqaro yozgi maktabning uchinchi kuni ham belgilangan dastur asosida yuqori saviyada tashkil etildi.
📅 2026-yil 15-aprel kuni mashg‘ulotlar asosan grammatik terminologiya va til tizimidagi muammoli holatlarni empirik asosda tahlil qilishga bag‘ishlandi.
🎤 Xususan, professor Kristian Lang tomonidan olib borilgan kurs doirasida:
- nemis tilini o‘qitishda grammatik terminologiyani to‘g‘ri qo‘llash;
- til birliklaridagi “shubhali holatlar” (Zweifelsfälle)ni tahlil qilish;
- til normasi, variatsiya va til o‘zgarishi o‘rtasidagi munosabat
kabi masalalar yoritildi.
📚 Amaliy mashg‘ulotlarda:
- DeReKo (Nemis tilining referens korpusi) va DGD (og‘zaki nutq ma’lumotlar bazasi) bilan ishlash;
- korpus asosida izlanishlar olib borish;
- real til qo‘llanishi asosida grammatik muammolarni yechish
bo‘yicha ko‘nikmalar shakllantirildi.
📊 Kunning ikkinchi yarmida professor Roman Shnayder rahbarligida
“Funktsional grammatik yondashuvlar” mavzusida empirik ma’lumotlar yig‘ish jarayoni tashkil etildi. Ushbu faoliyat doirasida ishtirokchilar:
- yozma va og‘zaki topshiriqlar;
- qisqa intervyular;
- lingvistik eksperimentlar
orqali ilmiy tadqiqot jarayonida bevosita ishtirok etdilar.
🎓 Tadbir davomida ishtirokchilarga individual ilmiy maslahatlar ham berilib, ularning kelgusidagi tadqiqot yo‘nalishlari yuzasidan tavsiyalar taqdim etildi.
🤝 Xalqaro yozgi maktab zamonaviy lingvistik metodlarni amaliy o‘rganish hamda xalqaro ilmiy tajriba almashish uchun muhim platforma bo‘lib xizmat qilmoqda.
Galereya
