🎓 ChDPUda xalqaro yozgi maktabning 4-kuni sotsiolingvistika va ko‘p tillilik masalalariga bag‘ishlandi
Chirchiq davlat pedagogika universitetida Germaniyaning Mannhaym shahrida joylashgan Laybnits- Nemis tili ilmiy-tadqiqot instituti (Leibniz-Institut für Deutsche Sprache, IDS) bilan hamkorlikda o‘tkazilayotgan xalqaro yozgi maktabning to‘rtinchi kuni belgilangan dastur asosida yuqori saviyada tashkil etildi.
📅 2026-yil 16-aprel kuni mashg‘ulotlar asosan ko‘p tillilik va til identifikatsiyasi masalalariga bag‘ishlandi.
🎤 Xususan, professor Katarina Dyuk tomonidan o‘tkazilgan mashg‘ulotlarda:
- O‘zbekistondagi nemis milliy ozchiligining til holati;
- ko‘p tillilikning sotsiolingvistik jihatlari;
- til va identitet o‘rtasidagi o‘zaro bog‘liqlik
atroflicha yoritildi.
📚 Nazariy qismda:
- ko‘p tillilikning jamiyatdagi o‘rni;
- til saqlanishi va til almashinuvi jarayonlari;
- turli ijtimoiy guruhlar o‘rtasida til taqsimoti
kabi masalalar muhokama qilindi.
🧪 Amaliy mashg‘ulotlarda esa:
- sotsiolingvistik ma’lumotlarni yig‘ish usullari (so‘rovnoma, intervyu, kuzatuv);
- real nutq materiallarini tahlil qilish;
- FOLKER dasturi yordamida og‘zaki nutqni transkripsiya qilish
bo‘yicha ko‘nikmalar shakllantirildi.
🎓 Kunning yakunida ishtirokchilarga individual ilmiy maslahatlar berilib, ularning tadqiqot faoliyatini rivojlantirish bo‘yicha tavsiyalar taqdim etildi.
🤝 Xalqaro yozgi maktab davomida ishtirokchilar nafaqat nazariy bilimlarni, balki zamonaviy lingvistik tadqiqot metodlarini amaliy jihatdan o‘zlashtirmoqdalar.
Galereya
