🌍 Germaniyalik professorlar ishtirokida ChDPUda xalqaro Yozgi maktab tashkil etiladi
📚 Chirchiq davlat pedagogika universitetida xalqaro Yozgi maktab tashkil etiladi
2026-yil 13–17-aprel kunlari Chirchiq davlat pedagogika universitetida Germaniyaning Mannhaym shahrida joylashgan Laybnits- Nemis tili ilmiy-tadqiqot instituti (IDS) hamda O‘zbekistonning hamkor oliy ta’lim muassasalari bilan birgalikda empirik germanistika bo‘yicha xalqaro Yozgi maktab o‘tkazilishi rejalashtirilgan.
🎯 Tadbirning asosiy maqsadi — yosh germanist olimlar, magistrantlar va bitiruvchi kurs talabalarining ilmiy salohiyatini oshirish, ularni zamonaviy lingvistik yondashuvlar bilan tanishtirish hamda Germaniya bilan ilmiy-akademik hamkorlikni yanada kengaytirishdan iborat.
👩🏫 Yozgi maktab doirasida Germaniyadan tashrif buyuradigan professorlar ishtirokida:
- ilmiy ma’ruzalar;
- seminar va workshoplar;
- amaliy mashg‘ulotlar;
- individual ilmiy maslahatlar
tashkil etiladi.
🌐 Mazkur loyiha nafaqat ChDPU va IDS o‘rtasidagi hamkorlik, balki O‘zbekistonning nemis tili yo‘nalishidagi qator oliy ta’lim muassasalari ishtirokidagi ko‘p tomonlama xalqaro ilmiy platforma sifatida alohida ahamiyat kasb etadi.
🏛 Universitet rektori tomonidan mazkur Yozgi maktabni yuqori saviyada tashkil etish bo‘yicha tegishli buyruq qabul qilindi hamda chora-tadbirlar rejasi tasdiqlandi.
✅ Tadbirni samarali tashkil etish doirasida:
- xalqaro hamkorlik ishlari;
- ilmiy dastur ijrosi;
- texnik ta’minot;
- axborot va media yoritish;
- logistika va tashkiliy masalalar
bo‘yicha aniq vazifalar belgilab olindi.
📌 Yozgi maktab yakunida ishtirokchilarga Laybnits- Nemis tili ilmiy-tadqiqot instituti (IDS) tomonidan sertifikatlar topshirilishi rejalashtirilgan.
✨ Ushbu xalqaro loyiha universitetning ilmiy nufuzini oshirish, yosh tadqiqotchilarni qo‘llab-quvvatlash va germanistika yo‘nalishidagi xalqaro hamkorlikni yangi bosqichga olib chiqishda muhim ahamiyatga ega.