Noshirlik kengashi tashkil etildi

Kategoriyalar:
E'lonlar

Chop etilgan sana: 18 May 2026 10:01 Ko'rishlar: 66

O‘zbekiston Respublikasi Oliy ta’lim, fan va innovatsiyalar vazirining 2026-yil 1-maydagi “O‘zbekiston milliy ilm-fanining nufuzini oshirishga qaratilgan tizimli chora-tadbirlarni amalga oshirish bo‘yicha yo‘l xaritasi”da belgilangan 170-sonli buyrug‘i hamda Chirchiq davlat pedagogika universiteti rektorining 2026-yil 18-maydagi 01-162-sonli buyrug‘ida belgilangan topshiriqlar ijrosini ta’minlash maqsadida universitetda Noshirlik kengashi tashkil etildi.

Mazkur Kengash ilmiy nashrlar sifatini oshirish, akademik halollik va nashr etikasi talablariga rioya etilishini ta’minlash, shuningdek, universitet tasarrufidagi ilmiy jurnallarni qo‘llab-quvvatlashga xizmat qiladi.

Kengash professor-o‘qituvchilar, ilmiy xodimlar, doktorantlar, mustaqil izlanuvchilar, magistrantlar va talabalarning ilmiy nashrlar bilan bog‘liq masalalarini ko‘rib chiqadi hamda ilmiy etika buzilishi holatlari yuzasidan tegishli xulosa va tavsiyalar beradi.

Shuningdek, universitet rasmiy saytida Noshirlik kengashi uchun alohida sahifa shakllantirildi. Ushbu sahifa orqali Kengash faoliyati haqida batafsil ma’lumot olish hamda murojaat yo‘llash mumkin.

Noshirlik kengashi sahifasi