O‘zbekiston – BMT: hamkorlik istiqbollari

2026-yil 21-oktabr kuni Davlat va huquq instituti hamda Chirchiq davlat pedagogika universiteti hamkorligida Birlashgan Millatlar Tashkiloti tashkil topganining 81 yilligi munosabati bilan “O‘zbekiston – BMT: hamkorlik istiqbollari” mavzusida davra suhbati o‘tkazildi.

Anjuman davomida O‘zbekiston va BMT o‘rtasidagi 34 yillik hamkorlik doirasida amalga oshirilgan ishlar, erishilgan yutuqlar hamda istiqboldagi rejalar yuzasidan fikr almashildi.

Chirchiq davlat pedagogika universitetida tashkil etilgan mazkur anjumanda oliy yuridik ta’lim muassasalari va ilmiy tashkilotlar vakillari, tadqiqotchilar hamda talabalar ishtirok etdi.

Tadbirni kirish so‘zi bilan ochib bergan Davlat va huquq instituti direktori, yuridik fanlar doktori, professor M. Turg‘unov hamda universitet prorektori R. Ikromov anjuman ishiga muvaffaqiyat tilab, Yangi O‘zbekistonda BMT doirasida inson huquqlari va erkinliklarini rag‘batlantirish, himoya qilish hamda ularga rioya etilishini ta’minlash davlat siyosatining ustuvor yo‘nalishlaridan biri ekanini ta’kidladilar