“O‘zbekiston Respublikasi mustaqilligining 35-yilligi” esdalik nishonlari topshirildi
Chirchiq davlat pedagogika universitetida O‘zbekiston Respublikasi mustaqilligining 35-yilligi munosabati bilan ta’sis etilgan “O‘zbekiston Respublikasi mustaqilligining 35-yilligi” esdalik nishonlarini tantanali topshirish marosimi bo‘lib o‘tdi.
Tadbirda Universitet rektori, O‘zbekiston Respublikasi fan arbobi, professor G‘ofurjon Muxamedov yig‘ilganlarni Mustaqillik bayrami va yuksak e’tirof bilan muborakbod etdi, ularga ezgu tilaklar bildirdi.
O‘zbekiston Respublikasi Prezidentining tegishli Farmoniga muvofiq, davlat va jamiyat hayotida faol ishtirok etayotgan, ta’lim va ilm-fan sohasini rivojlantirish yo‘lida samarali mehnat qilayotgan universitet professor-o‘qituvchilari va xodimlaridan bir guruhiga “O‘zbekiston Respublikasi mustaqilligining 35-yilligi” esdalik nishoni topshirildi.
Universitet jamoasi taqdirlangan barcha professor-o‘qituvchi va xodimlarni ushbu yuksak e’tirof bilan samimiy muborakbod etib, ularning kelgusi ilmiy-pedagogik faoliyatida zafarlar tilaydi.
Universitet Axborot xizmati
Galereya
