O‘quv-uslubiy boshqarma
O‘quv-uslubiy boshqarma universitetda ta’lim jarayonining samarali tashkil etilishi va nazorat qilinishiga mas’uldir. Bo‘limning asosiy vazifalari o‘quv rejalari va dasturlarini ishlab chiqish va doimiy takomillashtirish, akademik sifatni ta’minlash, o‘quv jarayonini monitoring qilish, professor-o‘qituvchilarga uslubiy yordam ko‘rsatish hamda talabalarning o‘quv faoliyatini muvofiqlashtirishdan iborat.
Bo‘limda ta’lim jarayonini raqamlashtirish va innovatsion texnologiyalarni joriy etish, baholash tizimini tashkil qilish, fan dasturlari va dars jadvallari tayyorlash kabi muhim vazifalar bajariladi. Shuningdek, o‘quv-uslubiy boshqarma gumanitar, jismoniy madaniyat, maktabgacha ta’lim, matematika, pedagogika, tabiiy fanlar va turizm fakultetlarining ta’lim dasturlarini boshqaradi.
Bo‘lim talabalar va o‘qituvchilar uchun metodik qo‘llanmalar, masofaviy ta’lim resurslari va akademik mobillik dasturlari bilan ham shug‘ullanadi. Ta’lim sifatini baholash va monitoring qilish bo‘limning ustuvor vazifalaridandir.
O'quv uslubiy boshqarma boshlig'i
Magistratura bo‘limi boshlig‘i
Magistratura bo'limi uslubchisi
Xalqaro o‘qituvchi tayyorlash va qo‘shimcha mutaxassislik berish tizimi bosh mutaxassisi
O‘quv -uslubiy boshqarma boshlig'i o'rinbosari
o'quv - metodik ta'minot bo'limi uslubchisi
⚡️Talaba va o‘quvchilar uchun qishki ta’til 28-dekabrdan boshlanadi
Batafsil o'qish
CHDPUda bitiruv malakaviy ishlari va magistrlik dissertatsiyalarining dastlabki himoyalari o‘tkazilm...
Batafsil o'qish
Me'yoriy hujjatlar
O'quv-uslubiy boshqarmaning tarkibidagi o'quv me’yoriy hujjatlar bilan tanishish uchun rasmiy sahifa:
Me'yoriy hujjatlar
Akademik mobillik O‘zbekiston Respublikasi Vazirlar Mahkamasining 2025-yil 13-sentabdagi 578-sonli qarori bilan tasdiqlangan Nizom talablari asosida amalga oshiriladi.
Akademik mobillik quyidagi maqsadlarda tashkil etiladi:
talabalarga yetakchi ilmiy maktablar shakllangan oliy ta’lim tashkilotlarida o‘qish imkoniyatini yaratish;
talabalarning bilim sifati va rivojlanish darajasini oshirish;
talabalarning boshqa hududda tahsil olish zaruratini inobatga olgan holda, ta’lim olish imkoniyatini yaratish;
xorijiy va mahalliy ta’lim tizimlari yutuq hamda tajribalari bilan tanishish;
mutaxassislik bo‘yicha amaliy ko‘nikma va malakalarni egallash;
oliy ta’lim tashkilotining hamkorlik aloqalarini o‘rnatish;
ta’limning integratsiyalashuvi uchun zarur shart-sharoitlarni yaratish.
Asosiy qoidalar
- Muddati: OTMlararo kelishuvga asosan kamida bir semestr yoki ko‘pi bilan ikki semestr.
- Asos: OTMlar o‘rtasidagi o‘zaro ta’lim kelishuvi va rektor buyrug‘i.
- Saralash: Talabalarning qobiliyati, o‘zlashtirish ko‘rsatkichlari (GPA) va OTMning moddiy-texnik imkoniyatlari inobatga olinadi.
Muhim cheklovlar: Akademik mobillik dasturida 1-kursning 1-semestri, bitiruvchi kursning so‘nggi semestri hamda kursdan-kursga qolgan talabalar ishtirok etishi mumkin emas.
Kreditlarni tan olish va moliyalashtirish
Talaba mobillik davrida fanlarni o‘zlashtira olmasa, yuboruvchi OTM rektori ruxsati bilan ushbu fanlarni o‘z universitetida pulli asosda o‘zlashtirishi mumkin. Kontrakt va stipendiya to‘lovlari universitetlararo imzolangan shartnomada belgilangan shartlarga muvofiq amalga oshiriladi.
Ariza topshirish uchun talab etiladigan ma’lumotlar
Talaba kuzgi va bahorgi semestr oxirida elektron tarzda rektor nomiga ariza bilan murojaat qilishi lozim. Arizada quyidagilar ko‘rsatiladi:
| T/R | Talab qilinadigan ma’lumotlar |
| 1 | Talabaning F.I.O., fakulteti va guruhi |
| 2 | Safardan maqsad va boriladigan joy |
| 3 | Safarga borish muddati |
| 4 | Xarajatlarni moliyalashtirish manbalari |
