AKADEMIYANING KECHKI TA’LIM TALABALARI INTERAKTIV RUHDAGI MA’RIFIY UCHRASHUV TASHKIL ETDI.

Tadbir davomida fakultet dekani, professor R.A.Ikramov so‘zga chiqib, shoir ijodining o‘ziga xos jihatlari, uning xalq qalbidan joy olgan she’riyati haqida atroflicha fikr yuritdi. Shuningdek, kechki ta’lim talabalari orasida ijtimoiy faollikni oshirish, ularning tashabbuskorligini qo‘llab-quvvatlash masalalariga alohida e’tibor qaratdi.

Tadbirda fakultetning 100 nafardan ortiq talabalari ishtirok etib, Muhammad Yusuf she’rlari asosida chiqishlar, badiiy kompozitsiyalar va ijodiy namoyishlar orqali shoir merosiga bo‘lgan hurmat va ehtiromlarini namoyon etdilar.