KAFEDRA DOTSENTI KLUBNING NAVBATDAGI MASHG'ULOTINI O'TKAZDI.
Qodirjon Mo‘ydinov rahbarligida “Ilmiy tadqiqot” klubining navbatdagi mashg‘uloti bo‘lib o‘tdi.
📚Ushbu mashg‘ulotda O‘zbek tilshunosligi kafedrasi o‘qituvchilari Feruza Murodova, Muhammad Hayitov, O‘zbek tili va adabiyoti mutaxassisligi 1–2-kurs magistrantlari va kunduzgi ta’lim yo‘nalishining faol va izlanuvchan talabalari ishtirok etdilar.
Mashg‘ulotning mavzusi “Til va tafakkur munosabati” bo‘lib, unda tilning inson tafakkuri bilan uzviy bog‘liqligi, fikrlash jarayonida tilning tutgan o‘rni, til birliklari orqali borliqni anglash va ifodalash masalalari keng yoritib berildi.
Ilmiy munozara ruhida o'tgan mashg'ulotda talabalar o‘zlarini qiziqtirgan savollariga batafsil javoblar oldilar. Ishtirokchilar mavzu bo‘yicha yangi bilimlarga ega bo‘lib, ilmiy tadqiqot olib borishda zarur bo‘lgan nazariy tushunchalarni mustahkamlash imkoniyatiga ega bo'ldilar.
