KECHKI TA’LIM TALABALARI TASHABBUSI BILAN XOTIRA VA QADRLASH KUNI TASHKIL ETILDI.
O‘zbek tili va adabiyoti yo‘nalishi kechki ta’lim talabalari tashabbusi bilan ma’naviy-ma’rifiy tadbir tashkil etildi.
Tadbirni fakultet dekani, professor R.A.Ikramov ochib berib, Xotira va qadrlash kunining mazmun-mohiyati, xalqimiz hayotidagi o‘rni hamda bugungi tinch va osoyishta kunlarning qadriga yetish haqida fikr bildirdi.
Tadbirda fakultetning Yoshlar bilan ishlash bo‘yicha dekan o‘rinbosari L.G'.Muxammadiyev, O‘zbek tilshunosligi kafedrasi mudiri O'.R.Saidov hamda kafedra o‘qituvchisi D.R.Turg‘unpo‘latov qatnashdi.
Tadbir davomida sahna va badiiy kompozitsiyalar orqali o‘tmish va bugungi tinch hayot o‘rtasidagi ma’naviy bog‘liqlik ta’sirchan tarzda yoritildi.Talabalar tomonidan urush yillaridagi mashaqqatli hayot, xalqning sabr-toqati va fidoyiligi badiiy vositalar orqali aks ettirilgan bo‘lsa, ikkinchi manzarada bugungi tinchlik, farovonlik, milliy qadriyatlarimiz va shukronalik tuyg‘ulari tasvirlandi.
