O’ZBEK TILI VA ADABIYOTI KECHKI TA’LIM TALABALARI TASHABBUSI BILAN CHIRCHIQ SHAHRIDAGI FAXRIYLAR HOLIDAN XABAR OLINDI.

9-may — Xotira va qadrlash kuni munosabati bilan Chirchiq shahrida ma’naviy-ma’rifiy ahamiyatga ega bo‘lgan ezgu tashabbus amalga oshirildi. Chirchiq davlat pedagogika universiteti O‘zbek tilshunosligi kafedrasi o‘qituvchisi Diyorbek Turg‘unpo‘latov, Respublika Ma’naviyat va ma’rifat markazi Chirchiq shahar bo‘linmasi rahbari, shahar deputati N.Umarova, Chirchiq shahar “Kimyogar” MYF Yoshlar yetakchisi M.J.Navro'zbek hamda bir guruh talabalar ishtirokida shahardagi “Kimyogar” MFYda istiqomat qilayotgan keksa, nuroniy onaxonlar hamda faxriylar holidan xabar olindi.

Mazkur tashrif O‘zbek tili va adabiyoti kechki ta’lim yo‘nalishi talabalari tashabbusi bilan tashkil etilib, unda 10 ga yaqin boquvchisini yo‘qotgan hamda mehnat faxriylari xonadoniga borildi. Ularning ijtimoiy holati, yashash sharoitlari o‘rganilib, ularga samimiy e’tibor va hurmat-ehtirom ko‘rsatildi.