“Bir vatan, bir el, bir bayroq!”
O‘zbekiston Davlat bayrog‘i qabul qilinganining 34 yilligi munosabati bilan Turizm fakultetida ko‘tarinki ruhda tadbir bo‘lib o‘tdi.
Talabalar ertalabdan ishga kelayotgan ustozlarni samimiy tabassum va yuqori kayfiyat bilan kutib olishdi. Bu jarayon jamoada birdamlik va hurmat muhitini yanada mustahkamladi. 1991-yil 18-noyabr — “Davlat bayrog‘i to‘g‘risida”gi Qonun qabul qilingan tarixiy sana. Barcha yurtdoshlarimizni Davlat bayrog‘i qabul qilinganining 34 yilligi bilan tabriklaymiz!
Yurtimiz tinchligi, osoyishtaligi va ravnaqi bardavom bo‘lsin. Bayrog‘imiz doimo balandlarda hilpirab tursin!
Chirchiq davlat pedagogika universiteti Yoshlar ittifoqi yetakchisi N. Xaliljanova, shuningdek Turizm fakulteti dekan o‘rinbosarlari va tyutorlari tomonidan tadbirning tashkiliy va ma’naviy qismi yuqori saviyada tashkil etildi.
