“QUIZ UP” intellektual o‘yini

Chirchiq davlat pedagogika universitetida talabalarning bilim salohiyatini oshirish, ularning mantiqiy fikrlash qobiliyatini rivojlantirish hamda jamoaviy ishlash ko‘nikmalarini mustahkamlash maqsadida “QUIZ UP” intellektual o‘yini tashkil etildi. Ushbu o‘yinda talabalar turli yo‘nalishlar bo‘yicha savollarga javob berib, o‘z bilimlarini sinovdan o‘tkazdilar. Bellashuv davomida ishtirokchilar tezkor fikrlash, to‘g‘ri qaror qabul qilish va jamoa bilan hamkorlikda ishlash borasida o‘z mahoratlarini namoyon etdilar. Tadbir qizg‘in va murosasiz ruhda o‘tib, barcha ishtirokchilarga ko‘tarinki kayfiyat ulashdi. G‘olib jamoalar esa munosib taqdirlandi.
 Bunday intellektual o‘yinlar yoshlarning bilimga bo‘lgan qiziqishini oshirish, ularni yanada faol va tashabbuskor bo‘lishga undashda muhim ahamiyat kasb etadi.