“Sog‘lom hayot sari birgalikda”

Chirchiq davlat pedagogika universitetida 1-dekabr — “Butunjahon OITSga qarshi kurashish kuni” munosabati bilan Toshkent viloyat OITSga qarshi kurashish markazi bilan hamkorlikda ma’rifiy tadbir o‘tkazildi. Tadbirda universitet Yoshlar masalalari va ma’naviy-ma’rifiy ishlar bo‘yicha birinchi prorektor S. Qoraev, Toshkent viloyat OITSga qarshi kurashish markazi bosh vrach o‘rinbosari R. I. Yusupova, mutaxassislar A. Ayitbaev, A. Jo‘raev, M. Qo‘ziboyeva, hamda universitet uchastka profilaktika inspektori J. Atajanov ishtirok etdi. Mutaxassislar tomonidan OIV va OITS haqida tushunchalar, ularning yuqish yo‘llari, belgilari va oldini olish choralari yuzasidan ma’lumot berildi. Shuningdek, sog‘lom turmush tarzini targ‘ib qilish maqsadida 100 dan ortiq talaba va xodimlar o‘rtasida tezkor test (analiz) o‘tkazildi.