ЧИРЧИҚ ДАВЛАТ ПЕДАГОГИКА УНИВЕРСИТЕТИ ҚОШИДАГИ
ПСИХОЛОГИК ХИЗМАТ МАРКАЗИ
ХИСОБОТИ
Педагогика ва психология кафедраси қошида психологик хизмат кўрсатиш маркази очилди.

1. Психологик хизмат олий таълим тизимининг муҳим таркибий қисми ҳисобланади.
2. Олий таълим тизимидаги психологик хизмат республикадаги яхлит психологик хизматнинг энг муҳим қисми сифатида намоён бўлади.
3. Психологик хизмат мутахассислари барча психологик муаммоларни ҳал қилишга ҳар қайси шахс (педагог,талаба, ота-она) манфаати ва унинг ҳар томонлама гармоник ривожланишидан келиб чиққан ҳолда ёндашади.
4. Психологик хизмат мутахассислари ўз фаолиятларини тиббиёт ходимлари, дефектологик хизмат, муҳофаза қилиш ташкилотлари, муайян комиссиялар, ота-оналар ва маҳалла қўмитаси, ишлаб чиқариш жамоаси, жамоатчилик билан узвий алоқада амалга оширадилар. Барча мутахассислар билан муносабат тенглик, позицияларни ўзаро бойитиш (тўлдириш) асосида қурилади.
5. Психологик хизмат кўрсатиш фаолияти унверситетдаги ходимларни,талабаларни замонавий психология фани ютуқлари билан илмий-услубий жиҳатдан таъминлашга, талабанинг шахсий ва интеллектуал (ақлий) жиҳатларининг ривожланишини диагностика қилишга, таълим-тарбия жараёнидаги психологик нуқсонларни аниқлашга, энг муҳими мавжуд камчилик ва бузилишларининг олдини олиш (профилактика)га йўналтирилган бўлиши лозим.
6. Олий таълим тизимидаги психологларнинг фаолияти психологик консультация (маслаҳат) ва муаммоларнинг ижтимоий-психологик фаол усуллари (методлари), психокоррекция, психодиогностика, ижтимоий, педагогик, ўсмир психологияси соҳалари бўйича умумпсихологик тайёргарлик олган, психолог ихтисосига эга бўлган мутахассислар томонидан амалга оширилади.
7. Амалий психологик фаолиятга раҳбарлик мутахассислиги соҳаси бўйича амалга оширилиш назарда тутилади.
   Олий таълим тизимидаги психологик хизматнинг мақсади талабанинг ҳар томонлама гармоник, тўлақонли психологик тараққиётини таъминловчи оптимал шарт-шароитлар яратишдан иборатдир.
   Психологик хизматда тадқиқот ва таъсир ўтказиш объекти олий таълим муассасалари талабалари, ўқитувчилари, ота-оналари бўлиб ҳисобланади. Уларни алоҳида ёки гуруҳий шаклда тадқиқ қилиш мумкин.
   Психологик хизмат мазмуни: а) психопрофилактика; б) психологик маърифат; в) психодиагностика; г) психик ривожлантириш ва психокоррекция; д) психологик консультация.
   Психологик хизмат методлари турли-туман бўлиши мумкин: а) маърузалар туркуми ва тренинг машғулотларини ўтказиш олий таълим муассасаси профессор-ўқитувчилари, талабалар ва аҳолининг психологик маданиятини ўстириш мақсадида; б) илмий-оммабоп адабиётларни яратиш ва уларни тарқатиш; в) оммавий ахборот воситаларида чиқишлар уюштириш; г) психодиагностик консультация ўтказиш, турли методикалар ишлаб чиқиш (тест савол варақаси, тажриба кузатиш, суҳбат ва бошқалар); д) психологик консультация ўтказиш; е) психологик консультациялар уюштириш; ж) таълим ва тарбия берувчи дастурлардан фойдаланиб психодрамма, психокоррекцион тренингларни амалга ошириш; з) психологик тадқиқот обьектининг психологик хусусиятларини ҳисобга олган ҳолда ўқув дастури, ўқув-тарбия режаларини таҳлил қилиш ва ҳоказолар.
   Психологик марказ ҳар қандай шахснинг имкониятларини аниқлаб, уларни келгусида янадаҳар томонлама ривожланишига имкон яратиб беради.
   Психологик марказда қуйидаги мавзуларда суҳбат, маслаҳат олишингиз мумкин.
   • “Оила мактаби” (оилага тайёрлов курси)
   • “Руҳиятингни англа” (психологик маслаҳатлар)
   • “Бола психологияси” (фарзандингизни биласизми? Ота-оналар учун маслаҳатлар)
   • “Низо умр заволи” (низо, конфликтларни бартараф этиш бўйича тавсиялар)
   • “Касбим-фахрим” (касбий хусусиятларни ўрганиш ва тавсиялар бериш)
   • “Менга сўз беринг!” (Нотиқлик мактаби: Д.Корнеги тавсиялари асосида)
   • “Омадли бўлиш сирлари” (Семинар тренинг ва ишбилармонликнинг психологик асослари).
   • “Огоҳликка даъват” (криминал психология, суд, психологик экспертиза
   • хулосалари).

Педагогика факультети “Психология” кафедраси қошида  Ўқув- Психологик  хизмат маркази “ ташкил этилди. Марказда ёшларни  оилавий  муносабатларга тайёрлаш, индивидуал ва гурухий  сухбатлар, семенар треннинглар ўтказилиб келинмоқда.