O‘zbekiston Respublikasi Oliy ta’lim, fan va innovatsiyalar vazirligining ko'rsatmasiga hamda "Yangi O'zbekiston" universitetining Koreya Respublikasining Songsil universiteti bilan sun'iy intellekt sohasida qo'shma ilmiy tadqiqotlarni amalga oshirish bo'yicha hamkorlik kelishuviga muvofiq, xalqaro ilmiy seminar tashkil etilmoqda.

Tadbir haqida umumiy ma'lumot:

• Mavzu: "Recent Research in AI, Mathematics and Statistics"
• O'tkazilish sanasi: 2026-yil 2–4-oktabr kunlari
• O'tkazilish joyi: "Yangi O'zbekiston" universiteti

Seminarda Songsil universitetining yetakchi professorlari ishtirok etib, sun'iy intellekt, mashinali o‘rganish, statistika va zamonaviy matematik usullar bo‘yicha ilmiy ma'ruzalar qilishi ko'zda tutilgan.

Mazkur xalqaro seminar O'zbekistonda sun'iy intellekt sohasidagi ilmiy tadqiqotlarni rivojlantirish, xorijiy olimlar bilan ilmiy hamkorlikni kengaytirish hamda qo'shma loyihalar, maqolalar va grant tashabbuslari uchun yangi hamkorlik yo'nalishlarini shakllantirishga xizmat qiladi.

Ishtirokchilar uchun:

Universitetimizning mazkur yo'nalishlarda ilmiy tadqiqot olib borayotgan professor-o'qituvchilari, tadqiqotchilari va doktorantlarini ushbu xalqaro seminarda faol ishtirok etishga taklif etamiz.