“Ta’lim ziyosi”ning yangi soni: O‘tkir Rahmatga "Faxriy professor" unvoni topshirildi
“Ta’lim ziyosi” gazetasining navbatdagi soni nashrdan chiqdi!
Chirchiq davlat pedagogika universitetining hayoti, talabalarning ijodiy yutuqlari va ma’naviy-ma’rifiy tadbirlarni o‘zida jamlagan “Ta’lim ziyosi” gazetasining yangi soni o‘quvchilar qo‘liga yetib bordi. Ushbu sonda quyidagi qiziqarli mavzular bilan tanishishingiz mumkin:
- Adabiy uchrashuv: Taniqli adib va publitsist, “Xalq so‘zi” gazetasi bosh muharriri O‘tkir Rahmat bilan o‘tkazilgan "So‘z va vijdon uyg‘unligi" nomli ijodiy kecha tafsilotlari. Tadbirda adibga universitetning "Faxriy professori" unvoni topshirildi.
- She’riyat bayrami: O‘zbek va qozoq she’riyatining ikki yulduzi — Zulfiyaxonim va Fariza O‘ng‘arsinova ijodiga bag‘ishlangan “She’riyatning ikki yulduzi” nomli adabiy-madaniy kecha hisoboti.
- San’at va madaniyat: Universitetda o‘tkazilgan Xalqaro an’anaviy tasviriy va amaliy san’at festivali hamda universitetning “Mehr” teatr jamoasining Respublika talabalar teatr studiyalari festivalidagi muvaffaqiyatli ishtiroki va g‘olibligi haqida.
- Ekologik tashabbus: Pedagogika fakulteti talabalari tomonidan boshlangan “Mendan keyingi 1000 qadam seniki” eko-chellenji haqidagi intervyular va talabalar fikri.
- Ilm va amaliyot: “Inklyuziv ta’lim” ilmiy-amaliy laboratoriyalarida olib borilayotgan logopedik mashg‘ulotlar va talabalarning kasbiy mahoratini oshirish jarayonlari.
- Ijodiy burchak: Talabalarning Muhammad Yusuf xotirasiga bag‘ishlangan va bahor nafasi ufurib turgan yangi she’rlari.
Gazetaning to‘liq soni bilan ushbu havolada tanishishingiz mumkin:
Ta'lim ziyosi 3
ChDPU Axborot xizmati