Oliy ta’lim, fan va innovatsiyalar vazirligining 2026-yil 23-fevraldagi 72-sonli buyrug‘i ijrosini ta’minlash maqsadida, universitetimizda “Kimyo” va “Biologiya” fanlari bo‘yicha Respublika fan olimpiadasining universitet bosqichi bo‘lib o‘tdi.

Fakultetimizning iqtidorli talabalari mazkur bilimlar bellashuvida faol ishtirok etib, o‘zlarining nazariy va amaliy bilimlarini namoyish etishdi. Mart oyida o‘tkazilgan saralash bosqichlari natijalariga ko‘ra, 10 nafardan ortiq iqtidorli talabalarimiz g‘oliblikni qo‘lga kiritib, keyingi bosqich yo‘llanmasiga ega bo‘ldilar.

Shu munosabat bilan, universitetning Ilmiy ishlar va innovatsiyalar bo‘yicha prorektori B.X. Eshchanov g‘olib talabalar bilan maxsus uchrashuv o‘tkazdi. Uchrashuvda Tabiiy fanlar fakulteti vakillarining fan cho‘qqilarini zabt etishdagi intilishlari e’tirof etilib, g‘oliblar tantanali ravishda diplomlar bilan taqdirlandilar.

Prorektor talabalar bilan suhbat davomida kelajakda amalga oshiriladigan ilmiy-tadqiqot ishlari va innovatsion loyihalar bo‘yicha o‘z tavsiyalarini berib, ularga olimpiadaning Respublika bosqichida muvaffaqiyat tiladi.